Prezidentə yazırlar: “Müzəffər Ali Baş Komandan, Siz bizim ümid yerimizsiniz”
Xasay
Balayev və başqalarından, Hörmətli
Prezident, Müzəffər Ali Baş Komandan. Qeyd etmək
istəyirik ki, Azərbaycan Qarabağ Müharibəsi Əlilləri, Veteranları və Şəhid
Ailləri İctimai Birliyi ümummilli lider Heydər Əliyevin şəxsi təşəbbüsü ilə
yaradılmışdır və güzəştli təbəqənin hüquqlarını müdafiə edir. Möhtərəm
Prezident, Müzəffər Ali Baş Komandan, 30 ildən artıq işğal altında olan
torpaqlarımız Sizin uzaqgörən xarici və daxili siyasətiniz, iradəniz və əzminiz
sayəsində 44 gün ərzində işğaldan azad olundu. Dünyaya
özlərini məğlubedilməz kimi göstərən mənfur ermənilərin yaratdığı mif
darmadağın oldu. Müzəffər Ali Baş Komandanın rəhbərliyi ilə müzəffər Ordumuz
düşməni darmadağın edərək torpaqlarımızı azad etdi və dünyaya Azərbaycan
xalqının, Azərbaycan Ordusunun gücünü, xalq, Prezident və ordu birliyinin necə
möhkəm olmasını sübut etdi. Müzəffər Ali
Baş Komandan, torpaq su ilə qarışanda palçıq, qan ilə qarışanda Vətən olur.
Bizim qəhrəman əsgərlərimiz bunu bir daha sübut etdi. Onlar öz canları və
qanları bahasına torpaqlarımızı azad etdilər. Azərbaycan xalqının milli ruhunu,
qeyrətini geri qaytardılar. Möhtərəm
Prezident, biz Qazax rayonunda yaşayan imtiyazlı təbəqə, Azərbaycan Qarabağ
Müharibəsi Əlilləri, Veteranları və Şəhid Ailələri ictimai Birliyinin Qazax
rayon filialının, Azərbaycan Respublikası Müharibə Əmək və Silahlı Qüvvələr
Veteranları Şurasının Qazax rayon şöbəsinin, Azərbaycan Əfqanıstan Veteranları
İctimai Birliyinin Qazax filialının çoxsaylı üzvləri adından şəhidlərə Allahdan
rəhmət diləyir, onların ailələri qarşısında baş əyirik. Yaralı əsgərlərimizin
tez sağalaraq ailələrinin yanına qayıtmalarını arzulayırıq. Sizə və ailənizə
Azərbaycanın işıqlı, parlaq gələcəyi naminə cansağlığı, uzun ömür arzulayırıq.
Allah Sizi qorusun, Siz bizim ümid yerimizsiniz. Qarabağ
Azərbaycandır! Hörmətlə, Balayev
Xasay Rza oğlu Azərbaycan
Qarabağ Müharibəsi Əlilləri, Veteranları və Şəhid Ailələri İctimai Birliyinin
Qazax rayon filialının sədri Məmmədov Azər Azərbaycan Respublikası Müharibə, Əmək və Silahlı
Qüvvələr Veteranları Şurasının Qazax rayon şöbəsinin sədri Aşurov Nüsrət Azərbaycan Əfqanıstan Veteranları İctimai Birliyinin
Qazax filialının sədri Azərbaycan Respublikası, Qazax şəhəri.
Facebook-da paylaş