Azərbaycan xalqının Ümummilli Lideri Heydər Əliyevin anım günü ilə əlaqədar “Əbədiyaşar lider” adlı tədbir keçirilib
Dekabrın 9-da Qazax Rayon İcra Hakimiyyəti, Qazax Rayon Heydər Əliyev
Mərkəzi və Qazax Dövlət Sosial-İqtisadi Kollecinin birgə təşkilatçılığı ilə Azərbaycan
xalqının Ümummilli Lideri, dahi şəxsiyyət Heydər Əliyevin anım gününə həsr
olunmuş "Əbədiyaşar lider” adlı tədbir keçirilib. Tədbirdə Qazax Rayon İcra Hakimiyyəti başçısı aparatında İctimai-siyasi
və humanitar məsələlər şöbəsinin baş məsləhətçisi Gülnar Quluyeva, "Göyəzən” qəzeti
redaksiyasının əməkdaşı Xuraman Əzimova,
Qazax Dövlət Sosial-İqtisadi Kollecində Monitorinq və Qiymətləndirmə Şöbəsinin müdiri,
Tələbə Gənclər Təşkilatının sədri Elvira Əfəndiyeva, tələbələr, gənclər iştirak
ediblər. Tədbir Ümummilli Lider Heydər Əliyevin əziz xatirəsinin bir dəqiqəlik
sükutla yad edilməsi ilə başlayıb.
Qazax Rayon İcra Hakimiyyəti başçısı aparatında İctimai-siyasi və humanitar
məsələlər şöbəsinin baş məsləhətçisi Gülnar Quluyeva tədbiri giriş sözü ilə açaraq
Ulu Öndərin xalqımızın mənəvi, siyasi və ictimai həyatında, dövlət
quruculuğunda misilsiz xidmətlərindən bəhs edib. Bildirib ki, Ulu Öndərin məqsədyönlü
fəaliyyəti nəticəsində müstəqil Azərbaycan dövləti azadlıq qazanaraq, qısa müddətdə
dünya dövlətləri sırasında öz layiqli yerini tutdu və bu gün dünyanın aparıcı
dövlətləri ilə iqtisadi və siyasi əlaqələr qurur. O, dahi şəxsiyyət, böyük
siyasətçi, yaradıcı dövlət xadimi kimi xalqımızın yaddaşında dərin iz qoyaraq qəlblərdə
əbədiyaşarlıq qazanıb.
Mərkəzin direktoru Ceyhunə Hüseynova çıxış edərək Heydər Əliyevin
keçdiyi ömür yolu, müdrik siyasətə, dönməz əqidəyə malik şəxsiyyət kimi müasir
Azərbaycan dövlətinin qurulması istiqamətində əvəzsiz xidmətlərindən danışıb. Heydər
Əliyevin Azərbaycan dövlətinin qurucusu, dövlətimizin əsasını qoyan, azərbaycançılıq
məfkurəsinin banisi kimi əbədiyaşar siyasi lider olduğu haqqında geniş məlumat
verib.
Qazax Dövlət Sosial-İqtisadi Kollecində Monitorinq və Qiymətləndirmə
Şöbəsinin müdiri, Tələbə Gənclər Təşkilatının sədri Elvira Əfəndiyeva xalqımızın ən çətin anında xilaskarlıq missiyasını cəsarətlə yerinə yetirən
dahi şəxsiyyətin həyat və siyasi fəaliyyətindən danışaraq bildirib ki, ölkənin
parçalandığı, millətin vətəndaş müharibəsi ilə üz-üzə qaldığı bir dövrdə Heydər
Əliyevin xalqın təkidli tələbi ilə hakimiyyətə qayıdışı xalqımızın azadlıq,
müstəqillik ruhunu bir daha yüksəltdi. Bu qayıdış xalqın qəlbində Heydər Əliyev
şəxsiyyətinə əbədi məşəlin hər zaman gur işıq saçmasına səbəb oldu.
"Göyəzən” qəzeti redaksiyasının əməkdaşı Xuraman
Əzimova çıxış edərək qeyd edib ki, Heydər Əliyev azadlığın, demokratik dəyərlərin
banisi, hər bir azərbaycanlının fəxr və qürur yeri, dünya siyasətçiləri
sırasında özünəməxsus çəkisi olan fenomenal şəxsiyyətdir. X.Əzimova həmçinin
1998-ci ildə keçirilmiş Azərbaycan Qadınlarının Qurultayında şəxsən iştirak etməsindən
və Heydər Əliyevlə görüşündən də bəhs edib. O, bu görüşün onun həyatında dərin
izlər buraxdığını bildirib. Qazax Dövlət Sosial-İqtisadi Kollecinin II kurs tələbəsi Xumar
Tanrıverdiyeva çıxış edərək Heydər Əliyevin əsasını qoyduğu gənclər siyasətindən,
Azərbaycanın demokratik hüquqi dövlət kimi inkişafında gənclərə yaradılan yüksək
şəraitdən danışıb. Tədbir Qazax Dövlət Sosial-İqtisadi Kollecin tələbələrinin
Ulu Öndərin anım günü ilə əlaqədar hazırladıqları ədəbi-bədii kompozisiyalarla
davam etdirilib.
GOYEZEN.AZ
Facebook-da paylaş