Vətəndaş məktubundan: “Cənab Prezident, Böyük Qayıdış işlərini həyata keçirən ölkəmiz gündən-günə çiçəklənəcəkdir”
Müseyib Musayev və
başqalarından, Çox hörmətli
Prezident, Müzəffər Ali Baş Komandan. Öncə Sizin
rəhbərliyinizlə xalqımızın Vətən savaşında qazandığı möhtəşəm Qələbə
münasibətilə şəxsən Sizi və bütün Azərbaycan xalqını bir daha ürəkdən təbrik
edirik. Bu Qələbə bizim inamımızı özümüzə qaytardı. Keçirdiyimiz hissləri sözlə
ifadə etmək çox çətindir. Bu Qələbənin nə demək olduğunu biz, sərhədyanı ərazidə
yaşayan sakinlər daha yaxşı hiss edirik. Cənab
Prezident, bizim kəndimiz mənfur qonşularımızla sərhədyanı ərazidə yerləşir. Bu
münaqişənin bir çox ağrılarını öz üzərimizdə hiss etmişik. 1992-ci ildən mənfur
qonşular kəndimizə gələn kanalın suyunu kəsdilər. Çətin günlərimiz başladı.
Amma Ulu Öndərimizin fəaliyyəti nəticəsində kəndimizin suvarma suyuna olan
ehtiyacı təmin edildi. Biz bunu böyük minnətdarlıqla xatırlayırıq. Nəhayət
2017-ci ildə Sizin sərəncamınızla kəndimizdə daha iki subartezian quyusu
qazıldı. Bu isə bizim suya olan ehtiyacımızı xeyli aradan qaldırdı. Cənab
Prezident, məhz Sizin qayğınızla kəndimiz öz problemlərini həll edə bilir. Bu
günlərdə subartezianların işi daha da yaxşılaşdırılmışdır. Bütün bunlara görə
Sizə bir daha dərin təşəkkürümüzü bildirir və inanırıq ki, Böyük Qayıdış
işlərini həyata keçirən ölkəmiz gündən-günə çiçəklənəcəkdir. Çünki sükan
etibarlı əllərdədir. Hörmətlə,
Musayev
Müseyib Əsgər oğlu
İsayev
Ələkbər Əsgər oğlu
Məmmədov
Teymur İsmayıl oğlu
Alıyev Yaşar
Ağakişi oğlu
Nəbiyev Ariz
Rəşid oğlu və başqaları (28 nəfər)
Azərbaycan
Respublikası, Qazax rayonu, Alpout kəndi.
Facebook-da paylaş