İcra başçısı vətəndaşa dəymiş ziyanı aidiyyəti mütəxəssislərlə birlikdə yerində araşdırıb
Bu gün tam əminliklə söyləyə bilərik ki, cənab
Prezident İlham Əliyevin rəhbərliyi altında ölkəmizdə vətəndaşlara göstərilən diqqət
və qayğının, ölkə rəhbərinin vətəndaşlarla bağlı apardığı uğurlu dövlət
siyasətinin və görülən işlərin təməlində məhz vətəndaş məmnunluğu dayanır. Ən
əsası da dövlət başçısının rəhbərliyi ilə həyata keçirilən işlər bir daha onu sübut
edir ki, dövlət hər zaman öz vətəndaşının yanındadır. Ölkə Prezidentinin icra
hakimiyyəti başçılarını, eləcə də mərkəzi icra hakimiyyəti orqanlarının
rəhbərlərini qəbul edərkən öz çıxışlarında dəfələrlə dövlət məmurları haqqında
söylədiyi fikirlər, dövlət məmurlarına daim xalqın içində
olmaları, bütün kəndləri gəzmələri, sakinlərlə görüşmələri, vətəndaşların
qayğılarını, problemlərini onların öz dilindən öyrənmələri, düzgün təhlil
aparmaları barədə aidiyyəti üzrə verdiyi tapşırıq və tövsiyələr də bunun
bariz nümunəsidir. Bu gün Qazax Rayon İcra Hakimiyyətinin başçısı
Rəcəb Babaşovun rayonun Abbasbəyli kənd sakini Mehdiyev Salman
Allahqulu oğlunun xırdabuynuzlu heyvanına dəymiş ziyanla bağlı müraciətinə
dəvət olunmuş mütəxəssislərin iştirakı ilə yerində baxış keçirməsi vətəndaşlara
göstərilən diqqətin əyani sübutudur. Məlumat üçün bildirək ki, Abbasbəyli kənd sakini SalmanMehdiyev ona məxsus təsərrüfatda 17 ədəd qoyunun və 74 ədəd quzunun kütləvi
şəkildə öldüyünü bildirib, bununla bağlı aidiyyəti üzrə müraciət edib. Qazax Rayon İcra Hakimiyyətinin başçısı Rəcəb Babaşov tərəfindən
məsələnin araşdırılması üçün mütəxəssislər dəvət olunub və vətəndaşın müraciətinə
yerində baxılıb.
Rayon
rəhbərliyi Kənd Təsərrüfatı Nazirliyi yanında Aqrar Xidmətlər Agentliyində
ekspedisiya şöbəsəinin müdiri Xəlil Abdullayev, Şəmkir Rayon Baytarlıq İdarəsinin rəisi Məmməd Qasımov, Tovuz Rayon
Baytarlıq İdarəsinin rəisi Zülfüqar Kərimov, Ağstafa Rayon Baytarlıq İdarəsinin
rəisi Nofəl Qasımov, Qazax Rayon Baytarlıq İdarəsinin rəisi İlqar Orucov və
Qazax Dövlət Aqrar İnkişaf Mərkəzinin direktoru Həmid Pənahovla birlikdə Abbasbəyli
kəndində olub. Mütəxəssislərin iştirakı ilə mövcud vəziyyət müzakirə edilərək
heyvanların ölüm səbəbinin araşdırılması üçün materiallar götürülüb və baxılması
üçün Azərbaycan Respublikasının Qida Təhlükəsizliyi Agentliyinin laboratoriyasına
göndərilib. Vətəndaşın müraciətini diqqətlə dinləyən icra başçısı hər
zaman olduğu kimi, bu gün də edilən müraciətə həssaslıqla yanaşılacağını, həlli
istiqamətində lazımi tədbirlər görüləcəyini vurğulayıb. Vətəndaş ona göstərilən diqqətə, qayğıya görə ölkə
Prezidenti İlham Əliyevə razılığını ifadə edərək minnətdarlığını bildirib.
GOYEZEN.AZ
Facebook-da paylaş