İcra başçısı vətəndaşın müraciətinə yerində baxıb
Bu gün ölkə Prezidenti cənab İlham Əliyevin rəhbərliyi
altında həyata keçirilən layihələrin, görülən işlərin əsasında, yürüdülən
dövlət siyasətinin təməlində vətəndaş amili dayanır. Atılan hər bir addımda ölkə
vətəndaşlarının sosial rifah halının yaxşılaşdırılması, onların etdikləri
müraciətlərin müsbət həlli, ən əsası da vətəndaş məmnunluğu əsas götürülür. Ölkə
Prezidentinin icra hakimiyyəti başçılarını, eləcə də mərkəzi icra hakimiyyəti
orqanlarının rəhbərlərini qəbul edərkən öz çıxışlarında dəfələrlə dövlət
məmurları haqqında söylədiyi fikirlər, dövlət məmurlarına daim xalqın
içində olmaları, bütün kəndləri gəzmələri, sakinlərlə görüşmələri,
vətəndaşların qayğılarını, problemlərini onların öz dilindən öyrənmələri,
düzgün təhlil aparmaları barədə aidiyyəti üzrə verdiyi tapşırıq və
tövsiyələr də bunu bir daha sübut edir. Ölkə rəhbərinin vətəndaşlara olan sonsuz diqqət və
qayğısı Qazaxda da daim hiss olunur. Vətəndaş amili
rayon rəhbərliyinin iş fəaliyyətinin əsasını təşkil edir. Bunu sakinlərə olan
səmimi münasibətindən, vətəndaşlara göstərdiyi diqqət və qayğıdan,
vətəndaşların müraciətinə operativ şəkildə cavab verilməsindən, yaşadıqları
ünvandan asılı olmayaraq yerində baxış keçirilməsindən, qaldırılan məsələlərin
həlli istiqamətində yerindəcə tapşırıq verilməsindən aydın şəkildə görmək olur.
Vətəndaşlara olan diqqət və qayğı sayəsində bu gün hər bir qazaxlı Rayon İcra
Hakimiyyətinə ünvanlanmış müraciətə, yazılan məktuba dəqiq şəkildə baxılacağını
bilir. Qazax Rayon
İcra Hakimiyyətinin başçısı Rəcəb Babaşov bu gün şəhərin Azadlıq küçəsi 70A ünvanında yaşayan Vəliyev Qərib Kərəm oğlunun müraciətinə yerində baxıb. Vətəndaşın yaşadığı ünvanda
su və kanalizasiya xəttinin çəkilişi ilə bağlı müraciətini dinləyən icra
başçısı qeyd edilən məsələnin müsbət həllini tapması istiqamətində aidiyyəti üzrə müvafiq tapşırıqlarını
verib. Q.Vəliyev vətəndaşlara
göstərilən diqqətə, qayğıya görə sakinlər adından ölkə başçısı İlham Əliyevə
minnətdarlığını bildirib. Onun müraciətinə belə həssaslıqla yanaşıldığına görə
rayon rəhbərinə razılığını ifadə edib. GOYEZEN.AZ
Facebook-da paylaş