İcra başçısı vətəndaşın müraciətinə yerində baxıb
Son illər cənab Prezident İlham Əliyevin rəhbərliyi
altında ölkəmizdə vətəndaşlara göstərilən qayğı və diqqət dövlətimizin yürütdüyü
siyasətin prioritet istiqamətlərindən birini təşkil edir. Ölkə rəhbərinin vətəndaşlarla
bağlı apardığı uğurlu dövlət siyasətinin və görülən işlərin təməlində məhz vətəndaş
məmnunluğu dayanır. Dövlət başçısının rəhbərliyi ilə həyata keçirilən işlər,
atılan addımlar, icra olunan layihələr bir daha onu təsdiq edir ki, dövlət hər
zaman öz vətəndaşının yanında olmağı əsas götürür. Ölkə başçısının verdiyi
bütün tapşırıq və tövsiyələr vətəndaşların sosial rifah halının
yaxşılaşdırılmasına, qaldırılan məsələlərin, edilən müraciətlərin müsbət
həllini tapmasına xidmət edir. Ölkə Prezidentinin icra hakimiyyəti başçılarını, eləcə
də mərkəzi icra hakimiyyəti orqanlarının rəhbərlərini qəbul edərkən öz
çıxışlarında dəfələrlə dövlət məmurları haqqında söylədiyi fikirlər, dövlət
məmurlarına daim xalqın içində olmaları, bütün kəndləri gəzmələri,
sakinlərlə görüşmələri, vətəndaşların qayğılarını, problemlərini onların öz
dilindən öyrənmələri, düzgün təhlil aparmaları barədə aidiyyəti üzrə verdiyi
tapşırıq və tövsiyələr də bunun bariz nümunəsidir. Bu gün Qazax Rayon İcra Hakimiyyətinin başçısı
Rəcəb Babaşov Qazax rayon, Aşağı Əskipara kənd sakini Vəliyeva Ema Şahmar
qızının Ağstafa rayonunun Dağ Kəsəmən kəndində
yaşamasına baxmayaraq onun müraciətinə yerində baxıb. Vətəndaşın yaşadıqları
əraziyə su və kanalizasiya xəttinin çəkilməsi ilə bağlı müraciətini dinləyib.
Qaldırılan məsələnin araşdırılaraq baxılması üçün aidiyyəti
üzrə tapşırıq verib. Vətəndaşın müraciətini diqqətlə dinləyən icra başçısı
vətəndaş amilini əsas götürməyin, onlara diqqət və qayğı göstərməyin, vətəndaşların
müraciətinə operativ şəkildə cavab verilməsinin, yaşadıqları ünvandan asılı
olmayaraq yerində baxış keçirilməsinin hər bir dövlət məmurunun borcu və
vəzifəsi olduğunu bir daha diqqətə çatdırıb. Hər zaman olduğu kimi, bu gün də
edilən müraciətə həssaslıqla yanaşılacağını, həlli istiqamətində lazımi
tədbirlər görüləcəyini vurğulayıb. Vətəndaş onlara göstərilən diqqətə, qayğıya görə ölkə Prezidenti
İlham Əliyevə razılıqlarını ifadə edərək minnətdarlığını bildirib.
GOYEZEN.AZ
Facebook-da paylaş