İcra başçısı ön cəbhəyə döyüşə yollanan çağırışçımızın ailəsini qəbul edib
Azərbaycanın 27 sentyabr tarixindən başlayan haqq savaşı ölkəmizin hərb
tarixinə hər gün yeni qələbələrlə yazılır. Bu gün millətini, xalqını, Vətənini,
dövlətini, ölkə rəhbərini sevən hər kəs "Qarabağ bizimdir!”, "Qarabağ
Azərbaycandır!” deyərək bu haqq savaşında əsl birlik, həmrəylik nümayiş
etdirir. Bu gün kimliyindən, tutduğu
mövqeyindən asılı olmayaraq hər kəs Vətən, xalq, dövlət deyərək Azərbaycan Ordusunun cəbhədə həyata
keçirdiyi uğurlu əməliyyatları, torpaqlarımızın ard-arda düşmən işğalından azad
edilməsini böyük ruh yüksəkliyi ilə qarşılayır. Şanlı Ordumuzun Ali Baş Komandan İlham
Əliyevin əzmi, qətiyyətli mövqeyi və rəhbərliyi altında qazandığı zəfərlər hər
kəsi bu haqq savaşında vuruşmağa, döyüşməyə səsləyir. Əli silah tutan hər bir Azərbaycan övladı,
oğlu, gənci ölkə Prezidenti, Silahlı Qüvvələrin Ali Baş Komandanı İlham
Əliyevin "İrəli!” əmrini canla-başla yerinə yetirməyə, Vətən qarşısında olan
borcunu qaytarmağa can atır. Məhz bu səbəbdən Respublika Prezidenti İlham Əliyevin "Azərbaycan
Respublikasında qismən səfərbərlik elan edilməsi haqqında” 28 sentyabr 2020-ci
il tarixli Sərəncamına əsasən cəbhəyə yola düşən gənclərin, çağırışçıların sayı
gündən-günə artır. Bu
gün Bağanıs Ayrım,
Xeyrımlı, Barxudarlı, Sofulu, Qızılhacılı, Yuxarı Əskipara, Aşağı
Əskipara kimi 7 kəndi düşmən tapdağı altında olan Qazaxın da
igid, mərd oğulları hər zaman olub, bu gün də var, sabah da olacaq... Vətənin
dar günündə döyüşə atılan oğullardan biri də Bənnayev Elvin Sabir oğludur. Şəhid
qardaşı olan Elvin Bənnayev Səfərbərlik
və Hərbi Xidmətə Çağırış üzrə Dövlət Xidmətinin Qazax Rayon Şöbəsinin çağırışı
ilə ön cəbhəyə yollanıb. Əsas amalı 7 noyabr 2002-ci ildə
Tərtər istiqamətində torpaqlarımızın ərazi bütövlüyü uğrunda vəzifə borcunu
yerinə yetirərkən düşmən tərəfindən atılan snayper gülləsi nəticəsində şəhid olan
qardaşı Bənnayev Vüqar Sabir oğlunun və onun timsalında bütün şəhidlərimizin
qisasını almaq olan Elvin bu gün ön cəbhəyə yollanmaqla onu amalına doğru
aparan bir addım atıb. Üçrəngli Azərbaycan Bayrağının Dağlıq Qarabağda, eləcə də işğal altında
olan digər torpaqlarımızda dalğalanması üçün o, da ön cəbhədə vuruşmağı bu gün
özünə şərəf və qürur sayır. Ali Baş
Komandanın "İrəli!” əmrini layiqincə yerinə yetirərək Vətən torpaqlarının ərazi
bütövlüyünü bərpa etmək üçün ön cəbhədə döyüşən hərbçilərimizin, əsgərlərimizin
ailə üzvlərinə diqqət ayırmaq, qayğı göstərmək, sahib çıxmaq da bizim hər
birimizin ən ümdə vəzifəsi olmalıdır. Qazaxda bu
amil hər zaman ön planda olub və olmaqda da davam edir. Qazax Rayon İcra Hakimiyyətinin başçısı Rəcəb Babaşovun hərbçilərimizə qayğı ilə yanaşması, onların ailələrinə baş çəkməsi və yaxud da
qəbul etməsi artıq bir ənənəyə çevrilib. Ölkə Prezidentinin hərbçilərimizə, əsgərlərimizə,
onların ailə üzvlərinə olan diqqət və qayğısını əldə rəhbər tutan icra başçısı bu
sahədə olan diqqətin, qayğının bundan sonra da davam etdiriləcəyini öz əməli
işləri ilə hər zaman nümayiş etdirir. Bir övladı şəhid olan, bir övladı bu gün
cəbhəyə yollanan Solmaz Bənnayeva da Qarabağ bizimdir! Qarabağ Azərbaycandır! söyləyir.
Bunu rayon rəhbəri ilə görüşü zamanı dilə gətirən ana Ordumuzun qazandığı
qələbələri böyük ruh yüksəkliyi ilə qarşıladığını qeyd edib. İşğaldan azad
olunmuş torpaqlarla oğlu Vüqarın və bütün şəhidlərimizin qisasının alındığını,
onların ruhlarının rahatlıq tapdığını bildirib. Oğlu Elvinin döyüşə getməsini,
Vətənin dar günündə Azərbaycanın mərd, igid oğulları ilə çiyin-çiyinə
vuruşmasını qürur hissi ilə qarşıladığını bir daha dilə gətirib. Üç oğul anası
olan Solmaz Bənnayeva bir oğlunun Vətən uğrunda şəhid olduğunu, bir oğlunun bu
gün döyüşə yollandığını bildirib. Yeri gələrsə, o biri oğlunun da ön cəbhəyə
gedəcəyini qeyd edib. Solmaz ana Ali Baş Komandan İlham Əliyevin rəhbərliyi
altında şanlı Ordumuzun daha böyük zəfərlər qazanacağını, qarşıda xalqımızı
qələbə müjdəli daha gözəl günlərin gözlədiyini söyləyib. Bir şəhid anası kimi
onlara göstərilən diqqət və qayğıya görə ölkə Prezidentinə minnətdarlıq edən
Solmaz ana bugünkü görüşü də həmin qayğının davamı kimi qiymətləndirib. Qazax şəhər
Qaratel Hacımahmudova adına ümumi orta məktəbin VI sinif şagirdi olan
və bu gün atası ön cəbhəyə döyüşə gedən Aytac Bənnayeva da rayon rəhbərinə səmimi
ürək sözlərini çatdırıb. Atasının və hərbçilərimizin qələbə qazanmaları,
sağ-salamat ailələrinin yanlarına qayıtmaları üçün dua etdiyini vurğulayıb. Bugünkü
görüşün onun yaddaşına gözəl bir günün xatirəsi kimi yazıldığını söyləyib. Elvin Bənnayevin anası və qızı ilə ürəkdolusu
söhbət edən icra başçısı nəinki Elvinin ailəsinin, eləcə də bütün
şəhidlərimizin, ön cəbhədə olan hərbçilərimizin, əsgərlərimizin ailələrinin hər
cür diqqət və qayğıya layiq olduqlarını bildirib. GOYEZEN.AZ
Hər
bir hərbçini, əsgəri, onların ailəsini doğması, əzizi hesab edən Qazax Rayon İcra Hakimiyyətinin
başçısı Rəcəb Babaşovun ön
cəbhəyə yola düşən Elvin Bənnayevin anasını və qızını bu gün qəbul etməsi,
qayğıları, istəkləri ilə maraqlanması bu dediklərimizin bariz nümunəsidir. Şəhid
anası Solmaz Bənnayeva və nəvəsi ilə səmimi söhbət edən icra başçısı Vətənə, dövlətə, ölkə Prezidentinə
sadiq oğullar yetişdirdiyinə, övladlarında aşıladığı vətənpərvərlik hissinə
görə minnətdarlığını bildirib. Vətən torpaqlarının azad olunması üçün Elvin
kimi oğullarımıza ehtiyacın olduğunu və həmin oğulların göstərdikləri şücaət
sayəsində qələbələr əldə etdiyimizi qeyd edib. Bu gün onlarla görüşməyi özünə
borc bilən rayon rəhbəri daha sonra ailənin qayğıları ilə maraqlanıb.
Facebook-da paylaş