Vətəndaşlar Prezidentə yazırlar: “Biz qisasımızı Qarabağı çiçəkləndirməklə, firavan yaşamaqla, xoş gələcəyimizlə alacağıq”
Gövhər
Babacanovadan, Hörmətli
cənab Prezident. Sizin xalqa
göstərdiyiniz qayğı və diqqəti mən və ailə üzvlərim də hər zaman öz üzərimizdə
hiss edirik. Yaranan problemlərin anında və operativ həll edilməsi,
vətəndaşlarla ünsiyyət və onların qəbulu, dinlənilməsi bir vətəndaş olaraq məni
çox sevindirir. Sizə ünvanladığım müraciətdən sonra bu ayın 5-də işlə təmin
olundum. Hazırda həvəslə çalışır və evimə çörək aparıram. Sizə öz
adımdan və ailəm adından dərin təşəkkürümü bildirirəm. Hörmətlə, Gövhər
Babacanova Azərbaycan
Respublikası, Qazax şəhəri. Nuranə
Əhmədlidən, Hörmətli
cənab Prezident. İgid
əsgərlərimizin xain erməni işğalçılarını torpaqlarımızdan qovmasını
alqışlayıram. 30 il bizim doğma torpaqlarımızda qanunsuzluqlar edən, cinayət
törədən ermənilər qəhrəman əsgərlərimizlə üz-üzə gələndə gizlənməyə yer
axtardılar. Onların
məğlubiyyətlərini boyunlarına alacaqları gün uzaqda deyil. Azərbaycan xalqına
yaşatdıqları bütün əzab, əziyyət, kədər və dərd əvəzsiz qalmayacaq. Biz
qisasımızı Qarabağı çiçəkləndirməklə, firavan yaşamaqla, xoş gələcəyimizlə
alacağıq. Cənab
Prezident, təşəkkürümü hansı sözlərlə ifadə etsəm, azdır. Minnətdarıq, cənab
Prezident. Hörmətlə, Nuranə
Əhmədli Azərbaycan Respublikası, Qazax rayonu.
Facebook-da paylaş