31 dekabr - Dünya Azərbaycanlılarının Həmrəylik Gününə həsr olunmuş məktəbli oğlanlar arasında həndbol üzrə rayon turniri keçirilib
17-18 dekabr tarixlərində Qazax Rayon Gənclər
və İdman İdarəsi tərəfindən Qazax Olimpiya İdman Kompleksində 31 Dekabr - Dünya
Azərbaycanlılarının Həmrəylik Gününə həsr olunmuş məktəbli oğlanlar arasında
həndbol üzrə rayon turniri keçirilib. Azərbaycan
Respublikası Nazirlər Kabineti yanında yaradılmış Operativ Qərargahın tələblərinə
uyğun olaraq, keçirilən yarışda qalib adı uğrunda 8 komandadan 81 nəfər idmançı iştirak edib. Gərgin
və maraqlı idman mübarizəsi şəraitində keçən yarışda İsmayıl Şıxlı adına Kosalar kənd tam orta məktəbin komandası
1-ci, Qazax şəhər Səməd Vurgun adına
2 nömrəli tam orta məktəbin komandası 2-ci, İslam Nəsibov
adına Aşağı Əskipara kənd tam orta məktəbin komandası isə 3-cü
yeri tutub. Qalib
komanda kubokla, 1,2,3 yerləri tutan komandaların üzvləri isə Qazax Rayon
Gənclər və İdman İdarəsi tərəfindən müvafiq diplomlarla təltif olunublar.
GOYEZEN.AZ
Facebook-da paylaş