“Kitab klubu”nda müzakirə olunan növbəti əsər “Qaçaq Nəbi” pyesi olub
Qazax Gənclərin İnkişaf və Karyera
Mərkəzinin nəzdində fəaliyyət göstərən "Kitab klubu”nda növbəti görüş
keçirilib. Ədəbiyyatsevər gənclər bu dəfə Süleyman
Rüstəmin "Qaçaq Nəbi” (1940) pyesini müzakirə ediblər. Klub üzvləri ilk olaraq əsərdəki
obrazları təhlil edib və tarixi uyğunluqlarının müqayisəsini aparıblar. Qeyd
olunub ki, sözügedən əsərdə Qaçaq Nəbinin fəaliyyəti nəinki Azərbaycanda,
həmçinin Çar Rusiyasında hakimiyyətin ədalətsizliyindən əziyyət çəkən məzlumların
mübarizəsi kimi ümumiləşdirilir. Nəbinin dəstəsinə qoşulan kazak Vasili obrazı,
onlar arasında sinfi mübarizə ruhlu dialoq, Çar Rusiyasının müstəmləkəçilik
xəttinin qabardılması bu ümumiləşdirmənin cəhətləri kimi meydana çıxır. Gənclər eyni zamanda pyes əsasında 1985-ci ildə
Həsənağa Turabov və Əbdül Mahmudov tərəfindən çəkilən "Qanlı zəmi” filmi barədə
də fikirlərini söyləyiblər. Yekunda "Kitab klubu"nun növbəti görüşündə
Yusif Vəzir Çəmənzəminlinin "Qızlar bulağı” əsərinin müzakirəyə çıxarılması qərara
alınıb. GOYEZEN.AZ
Facebook-da paylaş