Əməkdar incəsənət xadimi, şair Barat Vüsal yazır...
27 sentyabr! Bizi böyük Qələbəyə aparan yolun
başlanğıcı! Bu o tarixdir ki, 10 noyabrda qürurla, fəxrlə qeyd etdiyimiz böyük
tarixi günün başlanğıcı oldu. Məhz həmin gündən "Qarabağ Azərbaycandır!”
deyərək haqq savaşına, İkinci Qarabağ savaşına çıxdıq. Bütün dünyaya qüdrətli,
əzəmətli Azərbaycan dövlətinin var olduğunu, hər an qalib gələ biləcək bir
dövlətin mövcudluğunu bir daha nümayiş etdirdik. Ölkə
Prezidenti, Silahlı Qüvvələrin Ali Baş Komandanı İlham Əliyevin əzmi, iradəsi,
qətiyyətli mövqeyi, Azərbaycan Ordusunun gücü, qüdrəti sayəsində bütün
dünya qarşılarında başqa bir Azərbaycanı gördü və görməyə məcbur oldu. Cəmi 44 gün davam edən haqq savaşımızın, Vətən
müharibəsinin əks-sədası isə hələ uzun müddət dillərə dastan olacaq. Çünki şanlı
Ordumuz həmin 44 gündə elə bir Zəfər dastanı yazdı ki, bu tarixi qələbəmiz dostu
sevindirdi, düşmənlərimizi xar etdi. Bütün bu uğurumuzun, nailiyyətimizin,
tarixi qələbəmizin müəllifi, memarı da Müzəffər Ali Baş Komandan İlham Əliyev
və onun "İrəli!” əmrini ləyaqətlə yerinə yetirən Azərbaycan Ordusu oldu. Qanları,
canları ilə Azərbaycanın hərb tarixinə yeni və şərəf dolu Salnamə yazan Vətən
oğullarının şücaəti, qəhrəmanlığı bu gün də bütün dünyaya örnəkdir. Azərbaycan Ordusunun cəbhədə Ermənistan
silahlı qüvvələrinə sarsıdıcı zərbələr vurmasına, yaşayış məntəqələrimizi azad
etməsinə, bütövlükdə, Qarabağın azad olunmasına hər bir Azərbaycan vətəndaşı
ürəkdən sevindi, sevinir və bir ömür boyu da sevinəcək.
Ürəyi hər zaman Vətən eşqi ilə döyünən,
şeirlərində Vətəni sözlərin dili ilə tərənnüm edən Azərbaycan Yazıçılar Birliyi
Qazax zona filialının sədri, Əməkdar incəsənət xadimi, şair Barat Vüsal da rəşadətli Azərbaycan
Ordusunun mətinliyinin, mübarizliyinin, əzminin, igidliyinin, qəhrəmanlığının
illər ötsə belə unudulmayacağını söyləyir. Torpaqlarımızın bütövlüyü naminə
canından keçən şəhidlərimizi böyük hörmət və ehtiramla anır, yaralı
hərbçilərimizin tezliklə sağalıb ailələrinin yanına qayıtmaları üçün hər kəs kimi
dua edir. Üçrəngli Azərbaycan Bayrağının Dağlıq
Qarabağda, eləcə də işğal altında olan digər torpaqlarımızda dalğalanmasını Azərbaycan
dövlətinin və xalqının böyük uğuru kimi qiymətləndirir. Uzun illərin həsrətindən
sonra xalqımıza bəxş edilən tarixi ana, zəfərə görə ölkə başçısı, Ali Baş
Komandan İlham Əliyevə və Azərbaycan Ordusuna sonsuz minnətdarlığını bildirir,
təşəkkür dolu fikirlərini sözlərin dili ilə yazdığı şeirlərində tərənnüm edir. Ürək
sözlərini, döyüntülərini, qələbə sevincini özündə əks etdirən həmin şeirləri
təqdim edirik. TAPILDI "Bu millətdən millət olmaz”
dedilər, Bu milləti millət edən
tapıldı! Yerdə ola-ola qalxıb göylərə, Ayla-Günlə söhbət edən
tapıldı! Gedən döyüş nə döyüşdü,
gördülər, Xain başa daşlar düşdü,
gördülər. Bir aslandı hər döyüşçü,
gördülər, Gör bir mərdi nə mərd edən
tapıldı! Dur, a şəhid, a qəhrəman,
irəli, Durma, Şuşa qalasından irəli. Əmr eyləyir Baş Komandan:
"İrəli!” Yer qət edən, Göy qət edən
tapıldı! Belə olar dava edən, qan edən, Birləşdirib Vətəni bir can
edən! Nə varsa da şərəf edən, şan
edən, Nə varsa da şöhrət edən
tapıldı! Hücumdadı Azərbaycan Ordusu, Qoy şəhidlər öndə durub
yerisin! Qoymadı ki, sözdə qalıb
çürüsün, Qeyrəti də qeyrət edən
tapıldı! 8 noyabr 2020-ci il QƏLƏBƏ BAYRAMI Şəhid qəbirləri üstə yellənən, Bayraqları görün, muştuluq
verin. Vətənin bir qarış torpağı
üstə, Təki mən də ölüm... muştuluq
verin. Elə ki, deyildi: "Şuşa
alındı”, Qaçanlar qəbristan səmtə
qaçdılar. Qəbirlər başına dönüb,
dolanıb, Qəbirlər başına bayraq sancdılar. Alındı düşməndən intiqamımız, Alındı Qarabağ-mərdlər yuvası! Bayraq-bayraq olub yelləndi,
gördüm, Şəhid oğlu-qızı, şəhid anası! Tutduğu işindən peşiman olub, Ölüm təbrik edir öləni,
baxdım. Şəhidlər hamısı qəbirdən
durub, Bayraqla yanaşı yellənir,
baxdım. Nə xoşbəxt vaxtıdır ana
vətənin, Qorundu şərəfi, qorundu adı! Bayraq yellənmir ha, bayraq
dillənir, Deyir ki, şəhidlər, gözünüz
aydın! Belə ölməmişdi bu zülmət
zülüm, Belə görməmişdik biz
aydınlığı. Allahım, qoy mən də bayrağa
dönüm, Verim şəhidlərə göz aydınlığı. Kişi adamların kişilər deyir, Olanda bayramı bax, belə olar. Hamımız şəhidin biri kimiyik, Hamımız ölmüşük... diri
kimiyik, Qələbə bayramı bax, belə olar, Qələbə bayrağı bax, belə olar! ƏSGƏR YARASI Qoymadın Vətəni yaralanmağa, Qoy əsgərim, yaranı mən
bağlayım. Bu eşqimlə, bu şerimlə,
sözümlə Qoy əsgərim, yaranı mən
bağlayım. Hələ düşmən sədləri var
qarşıda, Hələ döyüş səfləri var
qarşıda. Hələ Təbriz səfəri var
qarşıda, Qoy əsgərim, yaranı mən
bağlayım. Ağı görüm, qaranı mən
görməyim, Səni keçib yaranı mən
görməyim. Qoy kor olum, yaranı mən
görməyim, Qoy əsgərim, yaranı mən
bağlayım. Mən özüm də bir əsgərəm, hər
kiməm, Özgə deyil, bu işlərə
təhkiməm. Bir az şair, bir azca da
həkiməm, Qoy əsgərim, yaranı mən bağlayım. Dərdim çoxdu dəva-dərman
olmadan, Allah haqqı, sənin yaran
olmadan. Vətən yoxdu sənin yaran
olmadan, Qoy əsgərim, yaranı mən
bağlayım. Ay şərəfim, şanım əsgər
yarası, Ay tökülən qanım, əsgər
yarası, Sənə qurban canım, əsgər
yarası, Qoy əsgərim, yaranı mən
bağlayım. Nə daşdan, nə dəmirdəndi bu
səhhət, Bu yaranı ustuf-ustuf yu,
Barat! Əlim dəydi, sağalacaq o saat, Qoy əsgərim, yaranı mən
bağlayım! GOYEZEN.AZ
Facebook-da paylaş