YAŞA AZƏRBAYCAN, YAŞA TÜRKİYƏ!
27
sentyabr!
Bu tarix bizi böyük Qələbəyə aparan yolun başlanğıc götürdüyü tarixdir. Məhz
həmin gündən başlayaraq "Qarabağ Azərbaycandır!” deyərək haqq savaşına çıxdıq.
İkinci Qarabağ savaşına qədər bizi görməyən, görmək istəməyən bütün dünyaya,
beynəlxalq aləmə qüdrətli, əzəmətli Azərbaycan dövlətinin var olduğunu, hər an
qalib gələ biləcək bir dövlətin mövcudluğunu bir daha nümayiş etdirdik. Ölkə Prezidenti, Silahlı Qüvvələrin
Ali Baş Komandanı İlham Əliyevin əzmi, iradəsi, qətiyyətli mövqeyi, Azərbaycan
Ordusunun gücü, qüdrəti sayəsində bütün dünya qarşılarında başqa bir
Azərbaycanı gördü və görməyə məcbur oldu. Cəmi 44 gün davam edən haqq savaşımızda, Vətən müharibəsində şanlı Ordumuz
elə bir Zəfər dastanı yazdı ki, bu tarixi qələbəmiz dostu sevindirdi,
düşmənlərimizi isə xar etdi. Zəfərimizi anlamaqda çətinlik çəkən dövlətlər qəlbi
sınıq xalqın Qalib, Müzəffər Azərbaycan xalqına çevrildiyinin, igid Vətən
oğullarının qanı, canı ilə dünya hərb tarixində yeni səhifə açdıqlarının, yeni
Salnamə yazdıqlarının şahidi oldular. Bütün bu uğurumuzun, nailiyyətimizin,
tarixi qələbəmizin müəllifi, memarı isə Müzəffər Ali Baş Komandan İlham Əliyev
və onun "İrəli!” əmrini ləyaqətlə yerinə yetirən Azərbaycan Ordusu oldu. Azərbaycan
Ordusunun cəbhədə Ermənistan silahlı qüvvələrinə sarsıdıcı zərbələr vurmasına, yaşayış
məntəqələrimizi azad etməsinə, bütövlükdə, Qarabağın azad olunmasına hər bir Azərbaycan
vətəndaşı ürəkdən sevindi, sevinir və bir ömür boyu da sevinəcək. Rəşadətli
Azərbaycan Ordusunun mətinliyi, mübarizliyi, əzmi, igidliyi, qəhrəmanlığı illər
ötsə belə hər kəs tərəfindən böyük minnətdarlıq hissi ilə xatırlanacaq. Əlində
üçrəngli Azərbaycan Bayrağı tutan azyaşlı uşaq, Ali Baş Komandanın "İrəli!”
əmrini şərəflə icra edən gənc də, əlini açıb əsgər və zabitlərimizə dua edən
yaşlı nəsil, hər kəs Azərbaycan əsgəri deyir, deyəcək də. Torpaqlarımızın
bütövlüyü naminə canından keçən şəhidlərimizi böyük hörmət və ehtiramla anır,
yaralı hərbçilərimizin tezliklə sağalıb ailələrinin yanına qayıtmaları üçün hər
kəs dua edir. Üçrəngli
Azərbaycan Bayrağının Dağlıq Qarabağda, eləcə də işğal altında olan digər
torpaqlarımızda dalğalanmasını böyük ruh yüksəkliyi ilə qarşılayan
soydaşlarımız bu tarixi ana, zəfərə görə ölkə başçısı, Ali Baş Komandan İlham
Əliyevə və Azərbaycan Ordusuna sonsuz minnətdarlıq edir. Rəşadətli
Azərbaycan Ordusunun döyüş meydanında qazandığı qələbələrə ürəkdən sevinən, Vətən
müharibəsində bizə dəstək olan dövlətləri unutmayan "Göyəzən” qəzetinin baş
redaktoru, şair-publisist Elçin İsmayıl bunu yazmış olduğu şeirində də bir daha
oxucuların diqqətinə çatdırır. Bir millət, iki dövlət olan Azərbaycan-Türkiyə
qardaşlığından, dostluğundan ürəkdolusu söz açan E.İsmayıl "Yaşa Azərbaycan,
yaşa Türkiyə!” adlı şeirində bir daha tərənnüm edir. İki qardaş ölkənin
birliyini özündə əks etdirən həmin şeiri təqdim edirik. YAŞA AZƏRBAYCAN, YAŞA TÜRKİYƏ! Canı canımdandı,
qanı qanımdan, Dilimiz, dinimiz
birdi anından, Qılınc sıyrılıbdı
daha qınından, Dünya heyran
qalıb möhkəm birliyə, Yaşa Azərbaycan,
yaşa Türkiyə! Bir millət, biz
iki dövlətik öndə, Sən məndə sən
oldun, mən mənəm səndə, Bu adı hər zaman
qoşa görəndə, Düşmənlər lal
olub, susub kiriyər, Yaşa Azərbaycan,
yaşa Türkiyə! Həmişə yanaşı çəkilir
adı, Keçib
sınaqlardan heç sarsılmadı, Bu gün tək deyiləm,
türk yanımdadı. Yüz ilin tarixi
dönüb geriyə, Yaşa Azərbaycan,
yaşa Türkiyə! Qisas məqamıdır
gəlib an deyib, Şəhidlik ən
böyük şöhrət-şan deyib, Döyüş meydanında
qana-qan deyib, Yağı düşmənləri
keçir süngüyə, Yaşa Azərbaycan,
yaşa Türkiyə! Bu birlik işıqlı
sabaha gedir, Arzusu bütövlük,
mayası sevgi, Harada dedisə, ürəkdən
dedi, Hər iki liderim
qalxdı kürsüyə, Yaşa Azərbaycan,
yaşa Türkiyə! Sabaha şərəflə
yeni yol saldıq, Düşməndən min
illik qisası aldıq, Anam Qarabağda qələbə
çaldıq, Alqış bu zəfərə,
alqış sevgiyə, Yaşa Azərbaycan,
yaşa Türkiyə! Elçin İSMAYIL, "Göyəzən” qəzetinin
baş redaktoru, şair-publisist Qazax, 8 noyabr
2020-ci il
Facebook-da paylaş