Böyük Türk Dünyasının ikinci Ali Liderinə verilən Ali Təltif
Türk Dövlətləri Təşkilatının
noyabrın 12–də Türkiyədə, İstanbul şəhərində baş tutan VIII Zirvə toplantısında
Azərbaycan RespublikasınınPrezidenti cənab İlham Əliyev Türk Dünyasının Ali Ordeninin şəxsinə təqdim
olunmasından sonrakı çıxışında Türk Dünyasının lideri çox hörmətli Rəcəb Tayyib
Ərdoğana və digər dövlət başçılarına öz adından və Azərbaycan xalqı adından təşəkkürünü
bildirmiş, bu mükafatın bütün Azərbaycan xalqına verildiyini vurğulamışdır. Bu Ali mükafatın Türk Dövlətləri
Təşkilatına üzv bütün ölkələrin rəhbərləri tərəfindən imzalandığının isə ona
ikinci sevinc yaşatdığını da qeyd etmişdir. Cənab Rəcəb Tayyib Ərdoğan
tərəfindən edilən təqdimatda bu Ali mükafatın cənab İlham Əliyevə Qarabağın
azad olunmasında göstərdiyi səylərə və Türk birliyinin güclənməsində
töhfələrinə görə verildiyi ayrıca qeyd edilmişdir. Ötən ilin aprel ayında Pandemiya ilə
mübarizə məqsədilə Prezident İlham Əliyevin rəhbərliyi altında Türk Şurasına
üzv dövlətlərin onlayn şəkildə Zirvə toplantısının keçirilməsi həm təşkilata
üzv, həm də digər dövlətlərə yardım göstərilməsi və peyvənd əlçatanlığının
təmin edilməsi məqsədini daşıyırdı. Ölkə başçımız tərəfindən Türkiyənin son illər ərzində çox
hörmətli Cümhurbaşkanı Rəcəb Tayyib Ərdoğan sayəsində dünya miqyasında güc
mərkəzinə və söz sahibinə çevrildiyini, Türkiyənin siyasi-iqtisadi, hərbi gücünün
dünyada qəbul olunduğu bildirilmişdir. "Türk Dünyasının mərkəzində dayanan
güclü Türkiyə dövlətidir”- demişdir. 44 günlük müharibə dövründə
başlanğıcdan sona qədər Türkiyənin, Cümhurbaşkanı cənab Rəcəb Tayyib Ərdoğanın
Azərbaycanın yanında olduğunu bir daha vurğuladı. "Məhz bu dəstəyə görə bəzi
Ermənistan havadarları dövlətlər savaşdan kənarda qaldılar və bu bizə imkan
verdi ki, şərəfli missiyamızı yerinə yetirək”. Prezident Əliyev müharibədən sonrakı Qarabağın
bərpası və quruculuq işlərində də Türk şirkətlərinin xüsusi səylərini, ürəkdən
gələn çalışmalarını qeyd etmişdir. "Yıkımları bərpa edərkən Qarabağ və
Azərbaycanın bir daha bu təhlükəni yaşamaması üçün gərəkən tədbirləri alacağız”. (Türkiyə prezidenti cənab R.T.Ərdoğan. İyun 2021 Şuşa). Müzəffər Ali Baş Komandanımız 1920-ci ildə
Sovetlərin səyi ilə Zəngəzurun Azərbaycandan qoparılaraq Ermənistana
verilməsinin Azərbaycanın Türk dünyası ilə bağlarının qırılması məqsədi
daşıdığını bir daha diqqətə çatdırdı. Zəngəzur kolidorunun açılmasının bu
coğrafiyanı bərpa edəcəyini, həm Türk Dünyası, həm Avropa, həm də qonşularımızı
birləşdirəcək bu layihənin uğurla gerçəkləşəcəyinə əminliyini qeyd etdi. Prezident İlham Əliyev Türk
Dövlətləri Birliyinin din, dil və ortaq maraqlar kimi möhkəm təməl üzərində
qurulduğunu diqqətə çatdırdı. ”Bu
Təşkilatın təməlində təbii müttəfiqlər yerləşir və həm tarix, həm mədəniyyət,
həm də bizim ənənələrimiz... bu birliyi diktə edir”. Təşkilatda birləşməni sadəcə, gələcəyə baxış deyil,
ortaq gələcəyə baxış kimi dəyərləndirmişdir. Zirvə görüşünün əhəmiyyətini
vurğulayaraq Şuradan Təşkilata çevrilməni, dünyanın aparıcı dövlətlərinin
mütəmadi yaranan qlobal təhlükələrin qarşısını ala bilmədiklərini, Türk
Dövlətləri Təşkilatının bu baxımdan təkcə ölkələrimiz üçün deyil, dünya üçün
əhəmiyyətli olacağına əmin olduğunu bildirdi. "Biz böyük coğrafiyanı əhatə
edirik, böyük iqtisadi, siyasi, hərbi gücü bu coğrafiyada ehtiva edirik”. Çıxışında Prezident İlham Əliyev Özbəkistan Prezidenti
cənab Şavkat Mirziyoyevin təşəbbüsü ilə Özbəkistan dövlətinin vəsaiti hesabına
Füzulidə tikiləcək yeni məktəbə görə ona təşəkkürünü bildirmiş, bunu dostluq və
qardaşlığın daha bir nümunəsi kimi qiymətləndirmişdir. Xalq o zaman sevinir ki, onun
Prezidenti ölkə, dünya və bəşəri əhəmiyyətli uğurlara imza atır, Ali
mükafatlarla təltif olunur. Bu Ali Ordenin ölkə başçımıza,
Müzəffər Ali Baş Komandanımıza təqdim edilməsi Azərbaycan vətəndaşlarına qürur və sevinc
yaşadır. Bu təqdimat Böyük Türk Dünyasının ikinci Ali Liderinə verilən nəhəng
məsuliyyətin də daşıyıcısı idi. Ali Baş Komandanımızın əsgərləri olaraq
biz bu tarixi və şərəfli missiyanın icrasında da birlikdəyik! Hər zaman dövlətimizin və Prezidentimizin yanındayıq!
Yeganə GÖYÜŞLÜ,
Qazax şəhər Qaratel Hacımahmudova adına ümumi orta məktəbin direktoru
Facebook-da paylaş