Qarabağ tərəqqi və yüksəliş yolunda
Azərbaycanın Müzəffər
Ali Baş Komandanının 17 illik prezidentliyi dövründə, xüsusilə də Vətən müharibəsində
nə qədər səbirli və təmkinli
olduğunu gördük. 30 illik işğal dövründə həm Ulu Öndər
Heydər Əliyev, həm də onun ideyalarının uğurlu davamçısı olan nüfuzlu siyasi xadim İlham
ƏliyevErmənistan və onun havadarlarınınverdiyi əhəmiyyətsiz bəyanatları səbirlə
dinlədi, bu yalan vədlərə reaksiya vermədi və düzgün zamanı seçib, düzgün qərar
vermək bacarığını nümayiş etdirdi. Dəmir yumruq lazımi vaxtda
sərrast zərbə ilə düşmənin başını əzməyi bacardı. Dövlətçilik tariximizdə yüz
illər boyu ərazi bütövlüyümüzün bərpası ilə bağlı yol verdiyimiz nöqsanları 44
günlük Vətən müharibəsində aradan qaldırmağı bacardıq. Bu
müharibə Azərbaycan xalqının birliyini möhkəmləndirdi. Cənubi Qafqazın inkişaf
etmiş ölkələri sırasında birinci olan Azərbaycanın artıq Qarabağı da inkişaf
yolundadır.Ölkəmizin iqtisadi gücü işğaldan azad olunmuş kənd və şəhərlərdə
bunu həyata keçirməyə imkan verir. Bütün bu uğurların başında düzgün və düşünülmüş siyasət durur. Dövlətimiz tərəfindən
həyata keçirilən iqtisadi layihələr nəinki Qarabağın, həmçinin bütün Azərbaycanın
sürətli inkişafının təminatçısıdır. Azad olunan bölgənin təbii-coğrafi mövqeyi,
yeraltı və yerüstü sərvətləri burada bir sıra genişmiqyaslı yenidənqurma və bərpa
işlərinin aparılmasına imkan verəcək. Yeni iş yerlərinin açılması orada məskunlaşacaq
əhalinin həyat səviyyəsinin yaxşılaşdırılmasına xidmət edəcəkdir. İnfrastrukturun bərpa edilməsi, sosial layihələrin həyata keçirilməsi,
kommunikasiyanın təmin edilməsi, əhalinin məskunlaşması prosesi müəyyən qədər
vaxt və kifayət qədər vəsait tələb edir. Dayanıqlı iqtisadiyyatımız və
düşünülmüş iqtisadi layihələrimizin sayəsində bu işlərin öhdəsindən layiqincə gələcəyik.
Buna ölkə başçısının dərin zəkası və uzaqgörən siyasi dünyagörüşü sayəsində
nail olacağıq. Qarabağ müharibəsinin Azərbaycanın şanlı Zəfəri ilə bitməsi
xarici investisiya mühiti üçün münbit şərait yaratdı. Mövcud siyasi sabitlik,
müharibədən sonra təhlükəsizliyin təmin edilməsi, münaqişə ocağının yox edilməsi
respublikamızı xarici investorların tam diqqət mərkəzinə çevirdi. Bütün tərəfdaş ölkələr bölgədə
asayişin təmin olunduğu bir vaxtda yatırım etməkdə maraqlıdır. Bu isə regionda
reallaşması nəzərdə tutulmuş layihələrin yaxın müddətdə icrası üçün münbit şərait
yaratmasına zəmin yaradır. Qarabağ işğaldan azad
olundu. Dövlətimiz artıq bərpa işləri üçün səfərbərdir. Regionun ərazisinin bərpasına avtomobil
yollarından başlanıldı, çünki bu sahənin xüsusi əhəmiyyəti var. İnsanların təhlükəsizliyinin və rahat hərəkətinin təşkil edilməsi
baxımından bu yollar həm iqtisadi, həm də sosial mahiyyət daşıyır. İnşa
olunan yol infrastrukturun inkişafını təmin edəcək, öz torpaqlarından didərgin
düşmüş sakinlərin intensiv şəkildə məskunlaşmasının həyata keçirilməsinə şərait
yaradacaqdır. Nəqliyyat sisteminin yenidən qurulması dövlətin məqsədyönlü
siyasətinin tərkib hissəsidir. Görülən tədbirlər sayəsində regional nəqliyyat
layihələri beynəlxalq əhəmiyyətə malik olacaq, beynəlxalq və daxili nəqliyyatın
infrastrukturuna töhfə verəcək. Bu imkanlardan Azərbaycanla birlikdə qonşu dövlətlər
də yararlana biləcəklər. Həm ölkə daxilində, həm də ki, xarici ölkələrlə əlaqələrin
genişləndirilməsində böyük rol oynayan, bölgədə sürətli və dinamik inkişafı təmin
edən mülki avasiyanın əhatə dairəsinin genişləndirilməsi mühüm əhəmiyyət
daşıyır. Azad edilmiş ərazilərdə
tikilən hava limanları Qarabağın bərpa olunmasına, yüklərin
daşınmasına, yerli əhalinin rahatlığına və turizmin inkişafına xidmət edəcək. Bu sahənin təşkil olunması üçün xüsusi
investisiya proqramları hazırlanıb. Hazırda Füzuli şəhərində aeroportun
tikintisinə başlanılıb. Aeroportların inşa edilməsi təkcə Füzuli şəhəri ilə
yekunlaşmayacaq, mühüm yükdaşıma mərkəzinə çevriləcək Laçın və Zəngilan
rayonlarında da aeroportların tikilməsi, yeni logistika mərkəzlərinin
istifadəyə verilməsi Azərbaycanın mühüm regional əhəmiyyətli logistika və ticarət
qovşağına çevrilmək potensialını gücləndirəcək ki, bu da regional logistika və
ticarət gəlirlərini artırılmasına səbəb olacaqdır. Qarabağ
ərazisi hər zaman yüksək kənd təsərrüfatı göstəricilərinə malik olub. İşğaldan
azad olunmuş ərazilərdə kənd təsərrüfatı fəaliyyəti üçün zəngin imkanlar var. İndi regionun aqrar sahədə əvvəlki şöhrətinə
qaytarılması üçün müvafiq qurumlar tərəfindən sistemli olaraq hazırlıq işləri
görülür. Kənd təsərrüfatının inkişaf etdirilməsi, ölkənin sosial-iqtisadi və
siyasi problemlərinin həllində, xüsusən də Qarabağda yaşayacaq insanların məşğulluğunun
artırılmasında müstəsna rol oynayacaq. Azərbaycan bərpa olunan enerji mənbələri yüksək potensialına
malik olan ölkələrdəndir. Bu
sahə hər zaman diqqət mərkəzindədir. Qarabağda həyata keçirilən təməl hədəflərindən biri də bölgədə bərpa
olunan enerji mənbələrindən istifadənin gücləndirilməsidir. Xüsusilə də
günəş və elektrik stansiyalarına sərmayələrin artırılması hesabına bərpa olunan
enerji mənbələrinin şaxələndirilməsi yaşıl iqtisadiyyatın inkişafında önəmli
rol oynayacaq. Bu layihələr Azərbaycanda enerji
mənbələrinin inkişaf etdirilməsinə və bərpaolunan
enerjinin payının artırılmasına töhfə verərək dövlətimizin yeni xidmət sahələrinin,
sənaye sektorları və münasib iş imkanlarının yaradılması ilə bağlı təşəbbüslərini
dəstəkləyəcək. Qarabağın
dirçəldilməsi üçün həyata keçirilən məqsədyönlü işlərin nəinki Azərbaycan vətəndaşları,
həmçinin bütün dünya xalqları ölkə rəhbərliyinin şüurlu olaraq həyata keçirdiyi
layihələrin bilavasitə şahididir. Hər bir layihənin inkişafa və xalqın rifahına
xidmət etdiyi göz qabağındadır. Onun müsbət nəticələrini isə gündəlik həyatımızda
zaman-zaman hiss edəcəyik. Nizaməddin
BABANLI, Qazax
Rayon Təhsil Şöbəsinin müdiri
Facebook-da paylaş