BDU Qazax filialı Qarabağ Dirçəliş Fonduna 4 min, “YAŞAT” Fonduna isə 2 min manat ianə edib
Bakı Dövlət
Universitetinin (BDU) Qazax filialında direktorluğun iclası keçirilib. Filialın
direktoru dossent Arif Rüstəmov direktorluğun üzvlərini Vətən müharibəsinin tarixi
Qələbə ilə başa çatması münasibətilə təbrik edib, Müzəffər Ali Baş Komandan cənab
İlham Əliyevin rəhbərliyi altında cəsur zabit və əsgərlərimizin əsl qəhrəmanlıq
nümayiş etdirərək torpaqlarımızı düşməndən təmizlədiklərini və Azərbaycanın ərazi
bütövlüyünün təmin olunduğunu bildirib. Filialın müəllim və tələbələrinin Vətən
müharibəsi dövründə informasiya müharibəsində fəal iştirak etməsindən söz açıb,
filialın məzunlarının müharibədə iştirakından və şəhid
olmasından danışıb, professor-müəllim heyətinin və tələbələrin şəhidlərin xatirəsini
daim əziz tutduqlarını qeyd edib. Direktorluğun
iclasında işğaldan azad edilmiş ərazilərin bərpası və yenidən qurulması,
inkişaf etmiş regiona çevrilməsi, məskunlaşma, layiqli yaşayış və iqtisadi fəallığın,
məcburi köçkünlərin öz torpaqlarına qayıtmasının təminatına dəstək məqsədilə
Prezident İlham Əliyevin Fərmanı ilə yaradılmış Qarabağ Dirçəliş Fonduna 4 min,
ölkəmizin ərazi bütövlüyü uğrunda döyüşlərdə yaralananların və şəhid ailələrinin
təminatına dəstək məqsədilə yaradılan "YAŞAT” Fonduna 2 min manat ianə
edilməsi haqqında qərar qəbul edilib. GOYEZEN.AZ
Facebook-da paylaş