Qazax Dövlət Sosial-İqtisadi Kollecində 20 Yanvar faciəsi qurbanlarının xatirəsi yad edilib
20 Yanvar faciəsinin otuzuncu ildönümü respublikamızın
hər yerində olduğu kimi, Qazaxda da böyük ehtiramla qeyd olunur. Növbəti anım tədbiri
yanvarın 9-da Qazax Dövlət Sosial-İqtisadi Kollecində keçirilib.
Ulu Öndər Heydər Əliyevin adını daşıyan ideoloji mərkəzdə
keçirilən tədbirdə kollecin müəllim və tələbə kollektivi iştirak edib.
Əvvəlcə 20
Yanvar faciəsi qurbanlarının əziz xatirəsi bir dəqiqəlik sükutla yad edilib.
Qazax Dövlət Sosial-İqtisadi Kollecin direktoru
Elşad Quluyev tədbiri giriş sözü ilə açaraq XX əsrdə törədilən vəhşiliyin təkcə
Azərbaycan xalqına deyil, ümumilikdə bəşəriyyətə, insanlığa qarşı törədilən bir
faciə olduğunu qeyd edib. 1990-cı ilin yanvar
qırğınının nə qədər faciəli olsa da, Azərbaycan xalqının iradəsini, milli
azadlıq uğrunda mübarizə əzmini qıra bilmədiyini, həmin müdhiş gecədə həlak
olan Vətən oğullarının Azərbaycanın tarixinə parlaq səhifə yazdıqlarını, xalqın
milli azadlığı, müstəqilliyi üçün yol açdıqlarını bir daha tələbələrin diqqətinə
çatdırıb. E.Quluyev bildirib ki, xalqını həmin ağır günlərdə tək qoymayan Ümummilli
Lider Heydər Əliyev yanvarın 21-də Azərbaycanın Moskvadakı daimi
nümayəndəliyinə gələrək terror aktını pisləyən bəyanatla çıxış etdi. 20 Yanvar
faciəsinə siyasi qiymət verib, o vaxtkı SSRİ və respublika rəhbərlərinin günahı
və xəyanəti üzündən törədilmiş bu cinayətin hüquqa, demokratiyaya, humanizmə
zidd olduğunu göstərdi. Məhz Ulu Öndərin
təşəbbüsü ilə 20 Yanvar faciəsinə dövlət səviyyəsində siyasi-hüquqi qiymət
verildi.
Kollecin Qeydiyyat,qiymətləndirmə və monitorinq şöbəsinin müdiri
Elvira Əfəndiyeva, müəllim Esmira Şıxməmmədova geniş məruzələrlə çıxış
edərək bu gün müstəqil Azərbaycan dövlətinin
tarixinə qanlı 20 Yanvar faciəsi kimi yazılmış həmin gündən 30 il ötməsinə
baxmayaraq Vətən fədailərinin xalqımızın qəlbində əbədi yaşadıqlarını
bildiriblər. Xalqımızın tarixinə şərəf və qəhrəmanlıq səhifəsi kimi yazılmış o tarixi
günün heç vaxt unudulmadığını vurğulayıblar.
Daha sonra kollecin Mühasibat uçotu ixtisasının III kurs tələbəsi
Səadət Nuruşova, Aqronomluq ixtisasının I kurs tələbəsi Bayram Məmmədli 20
Yanvar faciəsinə, şəhidlərimizə həsr olunmuş şeirlər söyləyiblər.
GOYEZEN.AZ
Facebook-da paylaş