YAP Qazax Rayon Təşkilatının yeni təyin olunmuş sədri ərazi partiya təşkilat sədrlərinə təqdim olunub
Fevralın 3-də Yeni Azərbaycan Partiyası Qazax Rayon
Təşkilatında rayon təşkilatına yeni sədr təyin olunmuş Anar Telman oğlu
Nəbiyevin ərazi partiya təşkilatı sədrlərinə təqdimatı ilə bağlı tədbir
keçirilib. Tədbirdən əvvəl YAP Qazax Rayon Təşkilatı aparatının
işçiləri və bir qrup partiya fəalı Ümummilli Lider Heydər Əliyevin abidəsini ziyarət
edərək dahi şəxsiyyətə olan dərin hörmət və ehtiramlarını bildiriblər. Sonra şəhərin mərkəzində yerləşən Şəhidlər xiyabanı
ziyarət olunaraq Vətən uğrunda canından keçən şəhidlərimizin əziz xatirəsi yad
edilib.
Tədbiri giriş sözü ilə YAP Mərkəzi Aparatının məsul
işçisi Araz Xudadanov açaraq Azərbaycanın ötən dövr ərzində yüksək
nailiyyətlərə, yeni–yeni uğurlara imza atdığını bildirib. Qeyd edib ki, Ulu Öndər
Heydər Əliyevin müəyyənləşdirdiyi inkişaf siyasəti Prezident İlham Əliyev tərəfindən
uğurla davam etdirilir. Bunun nəticəsində Azərbaycan dünyanın sürətlə inkişaf edən
ölkələri sırasına qoşulub. 44 günlük Vətən müharibəsində torpaqlarımızın işğaldan
azad edilməsi isə Azərbaycanın regionda və dünyada mövqelərini daha da
möhkəmləndirib. A.Xudadanov qeyd edib ki, ölkəmizin böyük nailiyyətlər
qazanmasında Yeni Azərbaycan Partiyasının da xüsusi rolu vardır. Belə ki,
partiyamızın fəalları ölkəmizin inkişafına öz töhfələrini verir, möhtərəm
Prezident, partiyamızın Sədri cənab İlham Əliyevin siyasətinin uğurlarını
ictimaiyyət arasında yüksək səviyyədə təbliğ edirlər. 2021-ci ilin mart ayında keçirilən YAP-ın VII
Qurultayı və Qurultayda qəbul olunmuş qərarlar partiyamızın inkişafında yeni
mərhələnin əsasını qoydu. Qurultayda Prezident, partiyamızın Sədri İlham Əliyevin
proqram xarakterli nitqi, yeni nizamnamənin qəbul olunması və digər mühüm
qərarlar YAP-ın gələcək fəaliyyətində böyük önəm daşıyan amillərdən olduğu A.Xudadanov
tərəfindən xüsusilə vurğulanıb. Daha sonra Araz Xudadanov YAP Qazax rayon
təşkilatına yeni sədr təyin olunmuş Anar Telman oğlu Nəbiyev haqqında ərazi
partiya təşkilatı sədrlərinə məlumat verib.
YAP Qazax Rayon Təşkilatının sədri Anar Nəbiyev ona
göstərilən bu yüksək etimada görə partiya rəhbərliyinə öz dərin minnətdarlığını
bildirərək bu etimadı əməli işləri ilə, yüksək fəallığı ilə doğruldacağına söz
verib. 107 saylı
Qazax Seçki Dairəsindən millət vəkili seçilmiş Azərbaycan Respublikası Milli Məclisinin
Beynəlxalq münasibətlər və parlamentlərarası əlaqələr komitəsinin sədri Səməd
Seyidovun köməkçisi Akif
Əmirov, qocaman partiya fəalı, Əməkdar müəllim Bəsdi Ələkbərova, partiya fəalı
İsgəndər Qurbanov çıxış edərək YAP Qazax Rayon Təşkilatının yeni sədrini təbrik
edib və gələcək fəaliyyətində uğurlar arzulayıblar.
GOYEZEN.AZ
Facebook-da paylaş