Qazaxda yaşayış evində yanğın hadisəsi baş verib
Bu gün Qazax şəhəri, Bakı küçəsi 2A ünvanında məcburi
köçkün ailələrinin yaşadığı ərazidə yanğın hadisəsi baş verib. Hadisə zamanı ikimərtəbəli yaşayış binasının birinci
mərtəbəsində, ümumi sahəsi 24 kvadratmetr mənzilin qarşısına artırılan 12 kvadratmetr
aynabəndin yanar konstruksiyaları yanıb. Dərhal hadisə yerinə Fövqəladə Hallar Nazirliyininyanğınsöndürən maşını və
canlı qüvvəsi cəlb olunub. Bağanıs Ayrım kənd sakini, 1993-cü il təvəllüdlü
Poladov Elşən Viktor oğluna məxsus mənzilin qalan hissəsi FHN-in Qazax Rayon Dövlət Yanğından Mühafizə Hissəsi tərəfindən yanğından mühafizə olunub. Qazax Rayon İcra
Hakimiyyətinin başçısı Rəcəb Babaşov hadisə yerində olub, mövcud vəziyyətlə maraqlanıb. Hadisənin
fəsadlarının aradan qaldırılması ilə bağlı aidiyyatı üzrə müvafiq tapşırıqlarını
verib.
GOYEZEN.AZ
Facebook-da paylaş