Qazax rayonu
Respublika mətbuatı Qazax haqqında Təmas xəttində yerləşən kəndlərə yeni yol Azərbaycanda cənab Prezident İlham Əliyevin rəhbərliyi altında bütün
sahələrlə yanaşı, son illər yol infrastrukturunun yaxşılaşdırılması
istiqamətində də məqsədyönlü tədbirlər həyata keçirilir. Dövlət başçısının
respublika və yerli əhəmiyyətli yolların yenidən qurulması, ən ucqar dağ
kəndlərinə belə yeni yolların çəkilməsi ilə bağlı imzaladığı çoxsaylı
Sərəncamlara əsasən görülmüş işlər respublikamızın bütün bölgələrində olduğu
kimi, Qazaxda da uğurla yerinə yetirilir. Dövlət başçısının diqqət və qayğısı
sayəsində son illər rayonun Qazaxbəyli-Orta Salahlı-Aşağı
Salahlı, Yuxarı Salahlı-Kəmərli, Kosalar, Quşçu Ayrım, Canalı, Çaylı, Bala
Çaylı, Hüseynbəyli, Cəfərli, Daş Salahlı-Ürkməzli-Dəmirçilər kəndlərinə yeni asfalt yolların çəkilməsi bu sahədə görülən işlərin
bariz nümunəsidir Düşmənlə sərhəddə yerləşən Fərəhli kəndinə yeni asfalt yolun
çəkilməsinə başlanılması bu sahədə görülən işlərin bundan sonra da uğurla davam
etdirilməsi deməkdir. Uzun illər istifadə olunduğundan yararsız vəziyyətə düşən
yolun əsaslı şəkildə təmir olunması ilə əlaqədar kənd sakinləri tərəfindən
Qazax Rayon İcra Hakimiyyətinə müraciət olunmuş və həmin yol dəfələrlə
qum-çınqıl tökülərək cari təmir edilmişdir. Qeyd etmək lazımdır ki, dövlətimizin
başçısı cənab İlham Əliyevin "Qazax
rayonu, Y-35-06 (13 km) – Fərəhli avtomobil yolunun əsaslı təmiri məqsədilə
Azərbaycan Respublikasının 2020-ci il dövlət büdcəsində nəzərdə tutulmuş
Azərbaycan Respublikası Prezidentinin ehtiyat fondundan Azərbaycan Avtomobil
Yolları Dövlət Agentliyinə 2,2 milyon (iki milyon iki yüz min) manat
ayrılmasına dair 10 sentyabr 2020-ci il tarixli sərəncamı”ilə həmin yolda ən müasir standartlara cavab verən tikinti-quruculuq işləri
aparılacaq ki, bu da bölgə əhalisinin ürəyincədir. Uşaq
bağçalarının açılması ilə əlaqədar dezinfeksiya işləri
Azərbaycan Respublikası Nazirlər Kabinetinin "Xüsusi karantin
rejimi dövründə Azərbaycan Respublikasında fəaliyyət göstərən təhsil
müəssisələrində tədris və təlim-tərbiyə prosesinin təşkili barədə” 29 avqust
2020-ci il tarixli 312 nömrəli Qərarına əsasən 2020-ci il sentyabrın 15-dən
respublika üzrə fəaliyyət göstərən məktəbəqədər təhsil müəssisələrinin - dövlət
və özəl uşaq bağçalarının fəaliyyətinə icazə verilib. Uşaq bağçalarının
fəaliyyəti ancaq mövcud vəziyyət nəzərə alınmaqla, müvafiq sanitar-gigiyenik
normalara əməl edilməklə mümkündür. Bununla əlaqədar Qazax Rayon İcra
Hakimiyyəti tərəfindən müvafiq hazırlıq tədbirləri həyata keçirilir. İcra Hakimiyyətinin
tabeçiliyində olan şəhər və kəndlər üzrə fəaliyyət göstərən 25 (6-sı şəhər,
19-u kənd) uşaq bağçasında dezinfeksiya işləri aparılır. Qazax Rayon Gigiyena
və Epidemiologiya Mərkəzinin əməkdaşları tərəfindən koronavirus infeksiyasına
qarşı suya xüsusi dezinfeksiyaedici maddələr qatılmış məhlulla əl aparatı ilə
dərmanlanır. İşçi heyət hazırkı şəraitdə işləmək qaydaları ilə bağlı
təlimatlandırılıb. Dezinfeksiya işləri başa çatdıqdan sonra uşaq bağçalarında
geniş təmizlik, tibbi-profilaktik işlər görüləcək. Otaqların
havalandırılmasına, mətbəx və sanitar qovşaqlara diqqət artırılacaq, burada
mütəmadi dezinfeksiya işləri aparılacaq. Bundan əlavə, hər bir bağçanın
girişində xüsusi dezinfeksiyaedici məhlullar qoyulacaq. Hər gün bağçaya gələn
işçi heyət və uşaqların temperaturu ölçüləcək, tərbiyəçilər tez-tez
valideynlərlə əlaqə saxlayacaqlar. Rayonda uşaq bağçaları fəaliyyətə
başladıqdan sonra xüsusi karantin rejiminin tələblərinə uyğun işləyəcək, bu
müəssisələrdə sanitar-gigiyena və karantin qaydalarının tələblərinə ciddi əməl olunmasına
nəzarət Qazax Rayon İcra Hakimiyyətinin əməkdaşları tərəfindən həyata
keçiriləcək. Vəli VƏLİYEV, "Respublika” qəzetinin bölgə müxbiri 12 sentyabr 2020-ci il
Facebook-da paylaş