Fərəhli kənd sakinləri ölkə Prezidentinə minnətdarlıq edirlər - VİDEO
Son illər ölkə Prezidenti
cənab İlham Əliyevin rəhbərliyi altında yol infrastrukturunun yaxşılaşdırılması
istiqamətində məqsədyönlü işlər görülür. Ölkə rəhbərinin respublika və yerli əhəmiyyətli
yolların yenidən qurulması, ən ucqar dağ kəndlərinə belə yeni yolların çəkilməsi
ilə bağlı imzaladığı çoxsaylı Sərəncamlara əsasən görülmüş işlər
respublikamızın hər yerində olduğu kimi, Qazaxda da uğurla
icra olunur. Dövlət başçısının diqqət və qayğısı sayəsində son illər
rayonun Qazaxbəyli-Orta Salahlı-Aşağı Salahlı, Yuxarı Salahlı-Kəmərli,
Kosalar, Quşçu Ayrım, Canalı, Çaylı, Bala Çaylı, Hüseynbəyli, Cəfərli, Daş
Salahlı-Ürkməzli-Dəmirçilər kəndlərinə yeni asfalt yolların çəkilməsi
bu sahədə görülən işlərin bariz nümunəsidir. Ölkə başçısının 10 sentyabr 2020-ci il tarixli Sərəncamına
əsasən Qazaxda daha bir kəndə yeni asfalt yol çəkiləcək. Fərəhli
avtomobil yolunun əsaslı təmiri məqsədilə Azərbaycan Respublikasının 2020-ci il
dövlət büdcəsində nəzərdə tutulmuş Azərbaycan Respublikası Prezidentinin
ehtiyat fondundan Azərbaycan Avtomobil Yolları Dövlət Agentliyinə 2,2 milyon
manat vəsaitin ayrılması düşmənlə sərhəddə yaşayan sakinlərə göstərilən dövlət
qayğısının əyani göstəricisidir. Fərəhli avtomobil yolunun əsaslı təmir olunması xəbərini kənd sakinləri də könül
xoşluğu ilə qarşıladıqlarını bildirirlər. Bu
barədə GOYEZEN.AZ internet portalına fikirlərini
bölüşən kənd sakinləri şəhid anası Sima Hacıyeva və ağsaqqal Alı Həsənov bu
sevinc hissini onlara bəxş edən ölkə başçısına minnətdarlıq edirlər. Minnətdarlıq
və razılıq dolu həmin videonu təqdim edirik.
Facebook-da paylaş