Qazax Rayon Heydər Əliyev Mərkəzində Ulu Öndərin 99-cu ildönümünə həsr olunmuş “Açıq qapı” günləri davam edir
Qazax Rayon Heydər Əliyev Mərkəzinin Tədbirlər Planına əsasən 04-10 may
2022-ci il tarixlərində Ulu Öndər Heydər Əliyevin anadan olmasının 99-cu
ildönümü ilə əlaqədar dahi şəxsiyyətin
siyasi irsinin təbliği məqsədilə Qazax Rayon Heydər Əliyev Mərkəzində "Tarix
yazan və yaradan lider” başlığı altında təşkil edilmiş "Açıq qapı” günləri
davam edir. Mayın 5-də təşkil olunmuş "Açıq qapı” günlərində
Qazax Rayon Gənclər və İdman İdarəsinin rəisi Vüqar Nəbiyev və ictimai fəal gənclər,
Qazax şəhər Səlim Əfəndiyev adına 1 nömrəli tam orta məktəbin, Qazax şəhər Səməd
Vurğun adına 2 nömrəli tam orta məktəbin, Qazax şəhər İsmət Qayıbov adına 3
nömrəli tam orta məktəbin müəllim və şagirdləri Heydər Əliyevin adını daşıyan
Parka gələrək Ulu Öndərin abidəsi önünə gül dəstələri düzüb, dahi şəxsiyyətin əziz
xatirəsini böyük ehtiramla anıblar. Sonra Heydər Əliyevin adını daşıyan Mərkəzə daxil olub,
fenomenal şəxsiyyətin mənalı ömür yolu və siyasi fəaliyyətini özündə əks etdirən
kitab və jurnallardan ibarət sərgi ilə, fotostendlərlə tanış olub, mühazirələr
dinləyib, Ulu Öndərə həsr edilmiş filmlərə baxıblar. "Açıq qapı” günlərinin təşkil olunmasında məqsəd
müasir dünya tarixində parlaq və silinməz izlər qoymuş,
müdrik dövlət xadimi, uzaqgörənliyi, zəngin dövlətçilik təcrübəsi sayəsində
misilsiz xidmətləri olan Azərbaycan xalqının böyük oğlu Heydər Əliyevin tükənməz
siyasi irsinin gələcək nəsillərə çatdırılması və təbliğ edilməsidir.
GOYEZEN.AZ
Facebook-da paylaş