Qazax Rayon Heydər Əliyev Mərkəzində “Tarix yazan və yaradan lider” başlığı altında “Açıq qapı” günlərinin keçirilməsinə başlanılıb
Qazax Rayon Heydər Əliyev Mərkəzinin Tədbirlər Planına əsasən 04-10 may
2022-ci il tarixlərində Azərbaycan xalqının Ümummilli Lideri, Ulu Öndər Heydər
Əliyevin anadan olmasının 99-cu ildönümü ilə əlaqədar dahi şəxsiyyətin siyasi
irsinin təbliği məqsədilə Qazax Rayon Heydər Əliyev Mərkəzində "Tarix yazan və
yaradan lider” başlığı altında "Açıq
qapı” günlərinin keçirilməsinə başlanılıb. "Açıq qapı” günlərində muzeyi ekskursiya edən ziyarətçilərə Azərbaycanın siyasi tarixində
yeni bir səhifə açan, şəxsiyyəti və əzəmətli ideyaları üzərində müstəqil dövlət
qurulan Heydər Əliyevin siyasi fəaliyyətini özündə əks etdirən mühazirələr
oxunacaq və filmlər nümayiş etdiriləcək.
4 may tarixində rayonun bir sıra təhsil müəssisələrinin,
idarə və təşkilatların rəhbər və əməkdaşları Ulu Öndərin abidəsini və Muzeyi
ziyarət ediblər. İlk olaraq Yeni Azərbaycan Partiyası Qazax Rayon Təşkilatının,
Qazax Suvarma Sistemləri İdarəsinin əməkdaşları, Bakı Dövlət Universitetinin
Qazax filialının, Qazax Dövlət Sosial-İqtisadi Kollecinin pedaqoji heyəti və tələbələri,
Qazax rayon ümumtəhsil məktəblərinin direktorları və müəllimləri "Açıq qapı”
günlərində iştirak ediblər. Ziyarətçilər Heydər Əliyevin adını daşıyan Parka gələrək
Ulu Öndərin abidəsi önünə gül dəstələri düzüb, dahi şəxsiyyətin əziz xatirəsini
böyük ehtiramla anıblar. Sonra Heydər Əliyevin adını daşıyan Mərkəzdə fenomenal
şəxsiyyətin mənalı ömür yolu və siyasi fəaliyyətini özündə əks etdirən kitab və
jurnallardan ibarət sərgi ilə, fotostendlərlə tanış olub, mühazirələr dinləyib
və dahi şəxsiyyətə həsr edilmiş filmlərə baxıblar. "Açıq qapı” günlərinin təşkil olunmasında məqsəd XX
əsrin sonlarında Azərbaycanda dövlətçilik ənənələrinin bərpa edilib zənginləşməsində,
müstəqilliyimizin möhkəmləndirilməsi, onun əbədi, dönməz xarakter almasında,
ölkəmizin dinamik iqtisadi inkişaf yolu ilə inamla irəliləməsində, beynəlxalq
nüfuzunun sürətlə artmasında misilsiz xidmətləri olan Azərbaycan
xalqının böyük oğlu Heydər Əliyevin tükənməz siyasi irsinin gələcək nəsillərə
çatdırılması və təbliğ edilməsidir.
GOYEZEN.AZ
Facebook-da paylaş