Məktəblilərə “Azərbaycana qarşı törədilən bütün soyqırımı həqiqətlərinin dünyaya yayılması işi Ümummilli Lider Heydər Əliyevin təşəbbüsü ilə başlanılmışdır” mövzusunda mühazirə oxunub
Martın 31-də Qazax
Rayon Heydər Əliyev Mərkəzinin 2022-ci il üçün təsdiqlənmiş Tədbirlər Planına
uyğun olaraq Qazax rayon Əli Əhmədov adına Qarapapaq kənd ümumi orta məktəbin
VIII sinif şagirdlərinə "Azərbaycana
qarşı törədilən bütün soyqırımı həqiqətlərinin dünyaya yayılması işi Ümummilli
Lider Heydər Əliyevin təşəbbüsü ilə başlanılmışdır” mövzusunda mühazirə oxunub. Qazax Rayon Heydər
Əliyev Mərkəzinin baş fond mühafizi Səidə Qocayeva təcavüzkar erməni millətçiləri tərəfindən xalqımıza qarşı iki yüz ilə
yaxın bir dövrdə yeridilən soyqırımı siyasətindən, 1918-ci ilin 31 mart
tarixində xalqımıza qarşı ermənilərin törətdikləri cinayətlərdən danışıb.
Bildirib ki, xalqımıza qarşı erməni
millətçiləri tərəfindən məqsədyönlü şəkildə həyata keçirilən etnik təmizləmə,
soyqırımı və təcavüzkarlıq siyasəti Azərbaycan tarixinin faciələrlə, qanlı hadisələrlə dolu çox ağrılı mərhələlərini
təşkil edir. Belə ki, Azərbaycan xalqı son 200 il ərzində erməni millətçilərinin
davamlı olaraq etnik təmizləmə, soyqırımı və təcavüzkarlıq siyasətinə məruz
qalaraq, öz tarixi torpaqlarından didərgin salınmış, qaçqın və məcburi köçkünə
çevrilmişlər. Bu siyasətin əsas məqsədi azərbaycanlıları öz tarixi
torpaqlarından qovmaqla əzəli Azərbaycan ərazilərində ermənilərin uydurduqları
"Böyük Ermənistan” dövləti yaratmaq olmuşdur. 1918-ci ilin mart soyqırımları öz amansızlığına və miqyasına görə təkcə
Azərbaycan tarixində deyil, bəşər tarixində də ən qanlı faciələrdən biridir.
Erməni vəhşiləri uşaq, qoca, qadın demədən dinc əhalini kütləvi surətdə qətlə
yetirilmişlər. 31 Mart soyqırımı faciəsinin
araşdırılması və həqiqətlərin dünyaya yayılması işi Ümummilli Lider Heydər
Əliyevin təşəbbüsü ilə başlanılmışdır. Ulu Öndər Heydər Əliyevin yenidən hakimiyyətə qayıdışından
sonra bu qanlı faciənin əsl mahiyyəti açıqlanmış və ifşa olunmuşdur. Ümummilli Lider
Heydər Əliyevin "Azərbaycanlıların soyqırımı haqqında” 26 mart 1998-ci il
tarixli fərmanı ilə xalqımıza qarşı törədilmiş ağır cinayətlərə hüquqi-siyasi
qiymət verilmişdir.
GOYEZEN.AZ
Facebook-da paylaş