9 Noyabr – Bayraq Gününə həsr olunmuş “Qürurlu və qalib Bayraq” adlı tədbir keçirilib
Noyabrın 4-də Qazax
Rayon Heydər Əliyev Mərkəzi və Qazax şəhər Namiq Vəliyev adına 5 nömrəli tam
orta məktəbin birgə təşkilatçılığı ilə 9 Noyabr - Bayraq Gününə həsr olunmuş "Qürurlu
və qalib Bayraq” adlı tədbir keçirilib. Tədbirdə Qazax şəhər
N.Vəliyev adına 5 nömrəli tam orta məktəbin təşkilatçı müavini Yetər Lələyeva,
məktəbin şagirdləri və Mərkəzin əməkdaşları iştirak ediblər. Tədbir 44 günlük Vətən
müharibəsində rəşadətli ordumuzun əsgər və zabitləri tərəfindən işğaldan azad
edilmiş tarixi Azərbaycan torpaqlarında düşmən bayrağının məhv edilərək üçrəngli
ay-ulduzlu bayrağımızın dalğalandırılması və Ali Baş Komandan İlham Əliyevin ərazilərimizin
işğaldan azad olunması haqqında məruzələrini özündə əks etdirən filmin nümayişi
ilə başlayıb.
Qazax Rayon Heydər
Əliyev Mərkəzinin direktoru Ceyhunə Hüseynova giriş sözü ilə çıxış edərək tədbir
iştirakçılarını salamlayıb, Bayraq Günü münasibətilə təbrik edib. C.Hüseynova müstəqilliyimizin
rəmzi olan Azərbaycan Dövlət Bayrağının
tarixi barədə danışıb, bayrağın dövlətin
bütövlük, müstəqillik, ucalıq, müqəddəslik rəmzi olduğunu vurğulayıb. Bildirib
ki, 30 ilə yaxındır ki, üçrəngli bayrağımızın işğal altında olan torpaqlarda dalğalanacağı günü gözləyirdik. Bu
gün artıq həsrətlə gözlədiyimiz arzumuz reallığa çevrilib. Ali Baş Komandan İlham Əliyevin rəhbərliyi ilə Ordumuzun
böyük şücaəti və xüsusi peşəkarlıqla həyata keçirdiyi döyüş əməliyyatları nəticəsində
hazırda üçrəngli Azərbaycan Bayrağı bu gün işğaldan azad olunmuş doğma
torpaqlarımızda qürurla dalğalanır. Xalqımızın azadlıq məfkurəsinə və milli-mənəvi
dəyərlərə sadiqliyini nümayiş etdirir. İşğalçı Ermənistanın növbəti hərbi təxribatına
rəşadətli Ordumuz tərəfindən layiqli cavab verildi. Azərbaycan xalqı bu gün
qürur hissi ilə torpaqlarımızın işğaldan
azad edilməsi sevincini yaşayır. Sonra
N.Vəliyev adına 5 nömrəli tam orta məktəbin şagirdləri Tamara Nəsibli, Fəridə Əliyeva, Polad Əhmədov, Əli Əliyev,
Qənirə Əsgərova, Məleykə Şükürova, Nəhayət Cahangirova, Gülnur Orucova, Fatimə Salıfova,
Leyla Mehdizadə, Gözəl Qəhrəmanova, Fidan Abdullayeva, Nəzrin Quluzadə, Əli Rzayev,
Leyla Nəsibova, İlkin Məmmədli, Sinan Abdullayev, Murad Orucov, Tusi Vəlizadə Bayraq, Vətən
mövzusuna aid şeirlər söyləyiblər. GOYEZEN.AZ
Facebook-da paylaş