Qazaxda 5 May – “Xalçaçı Günü” qeyd olunub
Xalqımızın mənəvi dünyasını, gözəllik duyumunu, fitri istedadını, dünyaya
fəlsəfi baxışlarını sirli naxışlarda yaşadan Azərbaycan xalça sənətinin qədim
tarixi var. Ölkəmizdə yüz illərdir xalça toxunsa da,
xalçaçıların heç vaxt öz peşə bayramlarını qeyd etdiyi gün olmayıb. Artıq beş
ildir ki, "Azərxalça” Açıq Səhmdar Cəmiyyətinin yaradıldığı gün - mayın 5-i
"Xalçaçı Günü” kimi qeyd olunur. Xalçaçılar öz peşə bayramlarını əlamətdar bir dövrdə - milli dəyərlərimizin
hamisi, Ulu Öndər Heydər Əliyevin doğum günü ərəfəsində qeyd edirlər. Belə bir
tarixi günün təsis edilməsi Ümummilli Liderimizin bizə bəxş etdiyi
müstəqilliyimizin bəhrəsidir. Əgər müstəqil Azərbaycan olmasa idi, nə milli
sənət növümüz olan xalçaçılıq belə geniş yayılardı, nə də Xalçaçı Günü qeyd
olunardı. Milli mədəniyyətimizin inkişafında böyük rolu olan Birinci vitse-prezident
Mehriban Əliyeva da xalçaçılığın yaşadılmasına öz dəyərli töhfələrini verir.
Xalçaçıların problemlərinin aradan qaldırılmasında, onların fəaliyyət
imkanlarının genişləndirilməsində, nailiyyətlərinin beynəlxalq miqyasda
təbliğində Mehriban xanımın xidmətləri misilsizdir. Onun təşəbbüsü ilə
Keniyanın Nayrobi şəhərində keçirilən UNESCO-nun Qeyri-Maddi Mədəni İrs üzrə
Hökumətlərarası Komitəsinin V sessiyasında Azərbaycan xalçaçılıq sənəti
UNESCO-nun Bəşəriyyətin Qeyri-Maddi İrsin nümunələri siyahısına daxil edilib. Bu gün Qazax Rayon İcra Hakimiyyətinin təşkilatçılığı ilə 5 May -
"Xalçaçı Günü” münasibətilə "Azərxalça” Açıq Səhmdar Cəmiyyətinin Qazax filialında
xalçaçı xanımlarla görüş keçirilib. Bu il "Xalçaçı Günü”ndə gənclər də xalçaçılarımızı diqqətdən kənar
qoymayıblar. "Regional İnkişaf” İctimai Birliyi və "Azərxalça” ASC birlikdə
milli-mədəni irsimizə hörmətlə gənclərin xalçaçılıq sənətinə olan diqqət və
marağını nəzərə alaraq, "Azərxalçaya səyahət” adlı birgə layihə həyata keçiriblər. Bu il "Xalçaçı Günü”ndə "Azərxalça” ASC rəhbərliyi xalçaçılıq sənətinin
inkişafı və tərənnümündə rolu olan bütün əməkdaşlarını xüsusi Təşəkkürnamələrlə
təbrik edib. Hər bir emalatxanada il ərzindəki xüsusi fəaliyyətinə görə fərqlənən
dəyərli toxucular isə "Bazarstore” mağazalar şəbəkəsinin də dəstəyi ilə xüsusi
hədiyyələrlə mükafatlandırılıblar. RİİB könüllülərinin köməyi ilə "Azərxalça”
ASC-nin yaradılmasının və "Xalçaçı Günü”nün təsis edilməsinin 5 illiyi münasibətilə
hazırlanan Təşəkkürnamələr xalçaçılara təqdim olunub. Rayonda fəaliyyət göstərən təhsil
müəssisələrindən Bakı Dövlət Universitetinin Qazax filialının, Qazax Dövlət
Sosial-İqtisadi Kollecinin tələbələri, Gənclərin İnkişaf və Karyera Mərkəzinin Qazax
nümayəndəliyinin "Sosial fəaliyyətlər klubu"nun üzvləri də Pandemiya
qaydalarına uyğun olaraq növbəli şəkildə 5 May - "Xalçaçı Günü" ilə
bağlı "Azərxalça” ASC-nin Qazax filialında olublar.
"Azərxalça” ASC-nin Qazax filialının direktoru
Razim İbrahimov gənclərə xalçaçılıq sənətinin, xüsusilə də Qazax
xalçalarının sirləri barədə məlumat verib. Filialda gənclərə xalçanın ərsəyə gəlmə prosesini izləmək,
peşəkarların təcrübəsini bölüşmək, eyni zamanda özlərini xalçaçılıqda sınamaq
imkanı yaradılıb. Gənclər milli mənəvi dəyərimiz hesab olunan xalçaların
ərsəyə gəlməsində əməyi olan bütün xalçaçılarımızın peşə bayramını təbrik edib və
gələcək fəaliyyətlərində uğurlar arzulayıblar. Sonra toxunması başa çatdırılmış xalçaların
təqdimatı olub. Gənclər alqış sədaları altında xalçaların iplərini kəsiblər. Sonda
xatirə şəkli çəkdirilib.
GOYEZEN.AZ
Ümummilli
Liderimizin yolunu uğurla davam etdirən Prezident İlham Əliyev xalçaçılığın
inkişafına da böyük diqqət və qayğı göstərir. Ölkə Prezidentinin 5 may 2016-cı
il tarixli Sərəncamı ilə "Azərxalça” Açıq Səhmdar Cəmiyyətinin yaradılması, 28
fevral 2018-ci il tarixli Sərəncamı ilə "Azərbaycan Respublikasında xalça
sənətinin qorunmasına və inkişaf etdirilməsinə dair 2018-2022-ci illər üçün
Dövlət Proqramı”nın təsdiq edilməsi, şəhər və
rayonlarımızda xalça istehsalı emalatxanalarının tikilib istifadəyə verilməsi
bu sənəti yaşadanlara göstərilən böyük dövlət qayğısının parlaq təzahürüdür. "Azərbaycan
Respublikasında "Xalçaçı Günü” peşə bayramının təsis edilməsi haqqında” ölkə
Prezidentinin 25 noyabr 2016-cı il tarixli Sərəncamı xalçaçılara göstərilən
diqqət və qayğının bariz nümunəsidir.
Facebook-da paylaş