İcra başçısı bir qrup vətəndaşı müraciətinə əsasən fərdi şəkildə qəbul edib
Ölkə Prezidenti İlham Əliyevin, Birinci
vitse-prezident Mehriban Əliyevanın öz fəaliyyətlərində vətəndaş amilini əsas
götürmələri, dövlət siyasətinin əsasında vətəndaşlara göstərilən qayğının,
vətəndaşlarla bağlı verilən tapşırıq və tövsiyələrin dayanması hər bir dövlət
məmuruna örnəkdir. Vətəndaş amili Qazaxda da hər zaman əsas götürülür.
İcra başçısının rəhbər təyin olunduğu ilk gündən sakinlərə olan səmimi
münasibəti, vətəndaşlara göstərdiyi diqqət və qayğı bunu söyləməyə əsas verir.
Şəhər və kəndlərdə sakinlərlə keçirilən görüşlər zamanı səslənən müraciətlərə
operativ şəkildə baxılması, vətəndaşların yaşadığı ünvandan asılı olmayaraq
istəyinə əsasən yerində baxılması, qaldırılan məsələlərin həlli istiqamətində
yerindəcə tapşırıq verilməsi, vətəndaşların ərizə və müraciətlərinə əsasən
fərdi şəkildə keçirilən qəbullar vətəndaş məmnunluğunun təmin edilməsinə
xidmət edir. Vətəndaşlara göstərilən diqqət və qayğını hər an hiss edən
hər bir rayon sakini İcra Hakimiyyətinə ünvanlanmış müraciətə, yazılan məktuba,
görüşdə səslənən fikirə həssaslıqla yanaşılacağını yaxşı
bilir.
İyunun 21-də Qazax Rayon İcra
Hakimiyyətinin başçısı Rəcəb Babaşov ərizə ilə müraciət etmiş daha
bir qrup vətəndaşı fərdi şəkildə qəbul edərək istəklərini dinləyib. Qazax
şəhər sakinləri Mənafova Könül Vidadi qızının, Bayramov Həbib Əli oğlunun, Çaylı kənd sakinləri Məmmədov Zahid Məmməd oğlunun, Qurbanov
Camoy Camoy oğlunun, Xanlıqlar kənd sakini Namazova Səadət Şərif qızının, Birinci
Şıxlı kənd sakini Abdullayeva Günayə İsrafil qızının, Daş Salahlı kənd sakini İsmayılov
Şakir Aqşin oğlunun müxtəlif
səpkili müraciətləri dinlənilərək müvafiq olaraq cavablandırılıb.
GOYEZEN.AZ
Facebook-da paylaş