İcra başçısı əsaslı təmir edilən Qazax Müəllimlər Seminariyasında görülmüş işlərin mövcud vəziyyəti ilə tanış olub
Əvvəlki yazılarımızda da vurğuladığımız kimi, ADA
Universitetinin "Bir müəllimin manifesti” layihəsi çərçivəsində Qazax
Müəllimlər Seminariyasının tarixi binası əsaslı şəkildə yenidən qurulur. Ötən
il oktyabrın 1-də ADA Universitetinin milli təhsil sistemimizin başlanğıc
nöqtəsi hesab edilən Seminariyanın qarşısında keçirilən tədbirdə ADA
Universitetinin Fondu və tərəfdaşları arasında Qazax Müəllimlər Seminariyasının
bərpa və yenidənqurma işlərini birgə həyata keçirmək məqsədilə Niyyət sazişi
imzalanıb. Sənədi Heydər Əliyev Fondunun "Regional İnkişaf” İctimai
Birliyinin sədri Məhəmməd Abdullayev, "NEQSOL Holding”in baş direktoru
Yusif Cabbarov, Azərbaycan Respublikası Sahibkarlar (İşəgötürənlər)
Təşkilatları Milli Konfederasiyasının prezidenti Məmməd Musayev və ADA
Universiteti Fondunun prezidenti Natiq Hacıyev imzalayıblar. Sazişi imzalamaqla
tərəflər Seminariyanın təlim-tədris ənənələrini yaşatmaq üçün onun binasının
bərpasını öz üzərlərinə götürdüklərini bəyan ediblər. Bu gün qürurla söyləyə bilərik ki, ADA Universitetinin
"Bir müəllimin manifesti” təşəbbüsü çərçivəsində tariximizin incisi
sayılan Qazax Müəllimlər Seminariyasının binasını bərpa etməsi onun yenidən
istifadəsini mümkün edəcək. Firudin bəy Köçərlinin misilsiz çətinliklər
bahasına qurduğu və ilk direktoru olduğu Seminariya binasının bərpası, əslində,
Azərbaycanda maarifçilik irsimizin və Seminariyadan aldığımız milli qürurumuzun
bərpası olacaq. Burada illər öncə yandırılan elm işığı daha gur yanacaq,
ətrafına yeni nəsil maarifçiləri toplayacaq. Həyata keçiriləcək birgə
layihələrlə müasir təhsil tariximizin növbəti səhifələri burada yazılacaq. Bu,
hər bir qazaxlı üçün qürurvericidir. Bu nümunəvi təşəbbüsə görə ADA
Universitetinin rektoru, səfir Hafiz Paşayevə və əməyi keçən
insanlara sonsuz minnətdarlıq ifadə olunur. Seminariyanın tikinti
sahəsinin rəisi Muxtar Həmidov və bərpa işlərinin rəhbəri Pərviz Mehrəliyev rayon rəhbərinə görülmüş işlər barədə
ətraflı məlumat verərək bütün işlərin sürətlə davam etdirildiyini qeyd ediblər.
GOYEZEN.AZ
Aprelin 26-da Qazax
Rayon İcra Hakimiyyətinin başçısı Rəcəb Babaşov icra
aparatının məsul şəxsləri, 8 saylı
Tovuz Regional SuKanal İdarəsinin rəisi Natiq Əhmədov, 8 nömrəli Regional
Sukanal İdarəsinin Qazax Sukanal sahəsinin rəisi Alı Hüseynov, Qazax Elektrik
Şəbəkəsinin rəisi Bəhruz Tağızadə və Şəmkir Regional Qaz İstismar İdarəsi
Qazax Xidmət Sahəsinin rəisi əvəzi Səbuhi Əliyevlə birlikdə Qazax
Müəllimlər Seminariyası üçün su, elektrik və qaz xətlərinin çəkilişi ilə bağlı
görülməsi nəzərdə tutulan işləri müzakirə edib.
Daha sonra rayon rəhbərliyi aidiyyəti şəxslərlə
birlikdə Qazax Müəllimlər Seminariyasında olub, aparılan işlərin mövcud
vəziyyəti ilə maraqlanıb, sözügedən xidmət sahələri üzrə nəzərdə tutulan
işlərlə bağlı müvafiq tapşırıqlarını verib.
Facebook-da paylaş