İcra başçısı Qazax Olimpiya İdman Kompleksində olub
Ölkə Prezidenti cənab İlham Əliyevin, Birinci
vitse-prezident Mehriban Əliyevanın ölkəmizdə idman sahəsinə, bu sahədə çalışan
insanlara, idmançılara göstərdikləri dövlət qayğısı onu söyləməyə əsas verir
ki, bu sahə hər zaman prioritet sahələrdən biri olub. Ölkə başçısının və
Birinci vitse-prezidentin idman sahəsinə olan qayğısı Qazaxda da hər zaman
örnək götürülür. Heç kəsə sirr deyil ki, Qazax Rayon İcra Hakimiyyətinin
başçısı Rəcəb Babaşovun fəaliyyətə başladığı ilk gündən daim diqqət və
qayğı göstərdiyi sahələrdən biri də məhz idman sahəsidir. Bunu rayon rəhbərinin
idmançılarla olan görüşlərindən, rayonda fəaliyyət göstərən idman müssisələrinə
baxış keçirməsindən, idmançılar üçün yaradılan şəraitin yaxşılaşdırılması
istiqamətində gördüyü işlərdən, atdığı addımlardan da aydın şəkildə görmək
olar. 2007-ci ilin 30 mayında ölkə Prezidenti
İlham Əliyevin iştirakı ilə Qazax şəhərində istifadəyə verilən Olimpiya İdman
Kompleksi də ölkəmizdə, eləcə də bölgələrimizdə idman sahəsinə, idmançılara
göstərilən qayğının göstəricisidir. Bu gün bu kompleks idmançıların, rayon
sakinlərinin, idmanla məşğul olan hər kəsin üz tutduğu doğma bir məkana
çevrilib. Fevralın 9-da Qazax Rayon İcra Hakimiyyətinin başçısı Rəcəb
Babaşov Olimpiya İdman Kompleksində olub, burada yaradılan
şəraitlə, idmançılara, vətəndaşlara göstərilən xidmətlərlə maraqlanıb.
Kompleksdəki mövcud vəziyyətlə tanış olan icra başçısı burada səliqə-sahmanın
daim diqqətdə saxlanılmasını, vətəndaşlara göstərilən xidmətlərin yüksək səviyyədə
olmasını qeyd edib. Olimpiya İdman Kompleksinin
direktoru Kərəm Axundov hazırda kompleksdə 6 ədəd ikimərtəbəli, 10
ədəd birmərtəbəli kotteclərin, 2-si lüks, 18-i sadə olmaqla 20 otağın sakinlərə
xidmət göstərdiyini bildirib. Mövcud imkanlardan istifadə edərək istər
idmançılara, istərsə də kompleksə müraciət edən vətəndaşlara yüksək səviyyədə xidmət
göstərilməsi üçün var qüvvələri ilə çalışdıqlarını, əllərindən gələni
əsirgəmədiklərini qeyd edib. GOYEZEN.AZ
Facebook-da paylaş