Doğum günündə şəhid olan Qazaxın igid oğlu kapitan Rövşən Pənahovun ildönümündə xatirəsi anılıb
44 gün: sentyabrın 27-dən
noyabrın 10-dək davam edən Vətən
müharibəsi - İkinci Qarabağ müharibəsi Azərbaycan
Milli Ordusunun tarixi Zəfəri ilə başa çatdı, 30 il davam edən
işğala son qoyuldu. Bəli, 27 sentyabr! Bu, o tarixdir ki,
Ermənistan-Azərbaycan-Dağlıq Qarabağ münaqişəsinə son qoyulması və ölkəmizin
zəfər qazanması üçün məhz həmin gün haqq savaşına çıxdıq və tarixi ədaləti
bərpa etdik. Və 44 günlük Vətən
müharibəsi Azərbaycanın qüdrətini bütün dünyaya göstərdi. Azərbaycan
Respublikasının Prezidenti, Silahlı Qüvvələrin Müzəffər Ali Baş Komandanı İlham
Əliyevin elan etdiyi "Qarabağ Azərbaycandır və nida" şüarını əldə
rəhbər tutan şanlı Azərbaycan Ordusunun əsgər və zabitləri, hərbçiləri Vətən
torpaqlarının ərazi bütövlüyü naminə bir yumruq kimi birləşdilər və
qəhrəmancasına vuruşdular. Göstərdikləri şücaətlərlə, qəhrəmanlıqlarla
Azərbaycan Ordusunun gücünü, qüdrətini bütün dünyaya bir daha nümayiş
etdirdilər. Kapitan Pənahov
Rövşən Mahmud oğlu da İkinci Qarabağ müharibəsində qəhrəmancasına
döyüşən və Şəhidlik zirvəsinə ucalan igid Vətən oğullarından biridir. O Vətən
oğlu ki, doğum günündə uğrunda canını fəda etdiyi torpağa tapşırıldı. Bu gün
yaşasaydı 32 yaşını qeyd edəcəkdi qəhrəman Vətən oğlu. Döyüş meydanında
göstərdiyi igidliyə görə ölümündən sonra ölkə Prezidenti İlham Əliyevin müvafiq
Sərəncamlarına əsasən "Vətən
uğrunda”, "İgidliyə görə”, "Kəlbəcərin azad olunmasına görə” medalları ilə təltif olunmuş kapitanımızın doğum gününü və
ildönümünü bu gün təkcə ailəsi deyil, yaxınları, doğmaları, şəhidimizə ehtiram
göstərən hər kəs qeyd edib. Qazax Rayon
İcra Hakimiyyəti başçısının birinci müavini Məmməd Alıyev, müavin-İctimai-siyasi və humanitar məsələlər şöbəsinin
müdiri Gulaya Həsənova, icra aparatının məsul
şəxsləri, rayonun hüquq-mühafizə orqanlarının, idarə, müəssisə və
təşkilatların rəhbərləri, "Azərbaycan Qarabağ Müharibəsi Əlilləri,
Veteranları və Şəhid Ailələri İctimai Birliyi”nin Qazax rayon
filialının, Azərbaycan Respublikası Müharibə, Əmək və Silahlı Qüvvələr
Veteranları Şurasının Qazax rayon şöbəsinin sədrləri və
üzvləri, şəhidimizin vaxtilə təhsil
aldığı Musa Həsənov adına Birinci Şıxlı kənd tam
orta məktəbin, Birinci Şıxlı kənd ümumi orta məktəbin direktorları və müəllimləri, şəhid ailələri, şəhidimizin ailə üzvləri, yaxınları, doğmaları,
kənd sakinləri igid Vətən oğlunun ildönümü mərasimində iştirak ediblər. Qəhrəman şəhidimizin
kənd qəbiristanlığında yerləşən məzarı ziyarət olunub, tər qərənfillər düzülərək ruhuna dua oxunub,
əziz xatirəsi böyük ehtiramla yad edilib. Qazax Rayon İcra Hakimiyyəti başçısının birinci
müavini Məmməd Alıyev çıxış
edərək şəhidimizə Allahdan rəhmət diləyib, əziz xatirəsini ehtiramla anıb,
icra başçısı Rəcəb Babaşovun səmimi ürək sözlərini çatdırıb. "1 il əvvəl şəhidimizin doğum günündə onu böyük
izdihamla canını fəda etdiyi torpağa tapşırdıq. Onun yoxluğundan 1 il ötsə belə,
illər keçsə də Rövşən Pənahov xalqımızın qəlbində əbədi yaşayacaq”, - deyən
birinci müavin şəhidimizin xatirəsinin daim əziz tutulacağını bildirib. 44 günlük
Vətən müharibəsində Rövşən kimi qəhrəman oğullarımızın sayəsində 30 illik yurd
həsrətinə son qoyulduğunu qeyd edib. Qazandığımız tarixi Qələbəyə görə Ali Baş
Komandana, şəhidlərimizə, qazilərimizə borclu olduğumuzu, Rövşən kimi igid
Vətən oğulları ilə hər birimizin fəxr etdiyini söyləyib. 44 günlük Vətən müharibəsindən söz açan birinci müavin
bu müharibədə Qazaxın 50 nəfər igid oğlunun Şəhidlik zirvəsinə ucaldığını,
həmin oğullarımızın sırasında dayanan Rövşənin təkcə qazaxlıların, doğma
el-obasının deyil, bütöv Azərbaycanın övladları olduğunu, onlarla hər kəsin
qürur duyduğunu söyləyib. M.Alıyev Respublika Prezidenti İlham Əliyev və Birinci
vitse-prezident Mehriban Əliyeva tərəfindən şəhidlərimizə, şəhid ailələrinə,
qazilərimizə göstərilən qayğıdan da söz açıb. İstər ölkə başçısı, istərsə də
Birinci vitse-prezident tərəfindən şəhid ailələrinə və qazilərimizə yüksək
dövlət qayğısı göstərildiyini vurğulayıb. Həmin qayğının Qazaxda da hər zaman
nümunə götürüldüyünü bildirən birinci müavin rayon rəhbərliyi tərəfindən yüksək
səviyyədə davam etdirildiyini qeyd edib. Qazaxda Vətən müharibəsi şəhidlərinin, eləcə də
bütün şəhidlərimizin adlarının əbədiləşdirilməsi istiqamətində görülmüş
işlərdən danışan birinci müavin Qazax Rayon İcra Hakimiyyətinin təşəbbüsü və
dəstəyi ilə "Göyəzən” qəzetinin baş redaktoru, şair-publisist Elçin
İsmayıl tərəfindən yazılmış "Qanları ilə dastan
yazanlar" kitabını, Qazax Tarix-Diyarşünaslıq
Muzeyində 338 nəfər şəhidin şəkillərindən ibarət guşənin
yaradılmasını bu sahədə atılan nümunəvi addımlardan biri kimi söyləyib. Şəhərin
mərkəzində yerləşən Şəhidlər xiyabanında Vətən müharibəsi şəhidlərinin şəkli
əks olunmuş lövhələrin vurulduğunu, bundan əlavə, şəhərin N.Nərimanov
küçəsində xatirələrini əbədiləşdirən Abidə Kompleksinin yaradıldığını
qeyd edib. Bu gün həmin Abidə Kompleksinin Şəhidlər xiyabanından sonra hər kəsin
ziyarət etdiyi müqəddəs məkana çevrildiyini söyləyib. Musa Həsənov adına Birinci Şıxlı kənd tam
orta məktəbin və Birinci Şıxlı kənd ümumi orta məktəbin şagirdləri
şəhidimizə həsr olunmuş şeirlər səsləndirib, igid Vətən oğluna olan
ehtiramlarını bildiriblər. Şəhidimizin
atası Mahmud Pənahov hər zaman onlara göstərilən diqqət və qayğıya görə ölkə
Prezidenti İlham Əliyevə, Birinci vitse-prezident Mehriban Əliyevaya, rayon rəhbərliyinə
minnətdarlığını bildirib. Övladının xatirəsinin daim yad olunmasını Rövşənin timsalında
bütün şəhidlərimizə olan hörmət və ehtiramın bariz nümunəsi kimi qiymətləndirib.
Kapitan Pənahov
Rövşən Mahmud oğlu Şəhid Rövşən
Pənahov 2 oktyabr 1989-cu ildə Qazax rayonunun Birinci Şıxlı kəndində anadan
olmuşdur. 1995-ci ildə Musa Həsənov adına Birinci Şıxlı kənd tam orta məktəbin
1-ci sinifinə daxil olmuşdur. 1996-2004-cü illərdə Birinci Şıxlı kənd ümumi
orta məktəbin 9-cu sinifini bitirmişdir. 2004-2006-cı illərdə
Birinci Şıxlı kənd tam orta məktəbi bitirmişdir. Həmin ildə Heydər Əliyev
adına Azərbaycan Ali Hərbi Məktəbinə daxil olmuşdur. 2010-cu ildə həmin Ali Hərbi Məktəbi
bitirmişdir. 2010-2011-ci illərdə təlim keçmək üçün Bakıda müxtəlif hərbi hissələrdə
xidmət etmişdir. 2011-ci ildə Naftalan şəhərində
yerləşən "N” saylı hərbi hissədə xidmət etmişdir. 2014-2020-ci illərdə müxtəlif
"N” saylı hərbi hissələrdə xidmət göstərmişdir. Rövşən
Pənahovun xidməti, tapşırıqları yerinə yetirməsi, ümumiyyətlə, bütün fəaliyyəti
nümunəvi idi. Ona gərə də Müdafiə Nazirliyi tərəfindən medallarla təltif
olunmuşdur. 24.06.2013-cü ildə "Azərbaycan Respublikası Silahlı Qüvvələrinin
95 illiyi (1918-2013)" yubiley, 26.06.2017-ci ildə "Qüsursuz xidmətə
görə" 3-cü dərəcəli və 26.06.2018-ci ildə "Azərbaycan Respublikası
Silahlı Qüvvələrinin 100 illiyi (1918-2018)" yubiley medalları ilə təltif
olunmuşdur. Eyni zamanda, bir neçə Fəxri Fərman da almışdır. Kapitan Pənahov
Rövşən Mahmud oğlu 2 oktyabr 2020-ci il tarixdə Göygöl rayonunun Toğanalı kəndi
istiqamətində düşmənin hücumunun qarşısını alarkən qəhrəmancasına şəhid
olmuşdur. Şəhid olduğu gün Birinci Şıxlı
kənd qəbiristanlığında izdihamla dəfn edilmişdir. Ailəliydi.
İki azyaşlı - Nilay adlı qız, Elay adlı oğul övladı yadigar qalıb. Şəhid kapitanımızın göstərdiyi igidlik
cənab Prezident İlham Əliyev tərəfindən də yüksək qiymətləndirilmişdir. O, ölümündən
sonra ölkə Prezidentinin 15 dekabr 2020-ci il tarixli Sərəncamına əsasən "Vətən
uğrunda”, 18 dekabr 2020-ci il tarixli Sərəncamına əsasən "İgidliyə
görə”, 29
dekabr 2020-ci il tarixli Sərəncamına əsasən "Kəlbəcərin azad olunmasına görə” medalları ilə təltif olunmuşdur. Şəhidimizi yad etmək hər birimizin vəzifə
borcudur. Bizlər də şəhidimizin əziz xatirəsini dərin ehtiramla yad edərək ailəsinə
və yaxınlarına başsağlığı verir, səbir diləyirik. Ruhu qarşısında baş əyirik.
GOYEZEN.AZ
Facebook-da paylaş