İcra başçısı BDU-nun Qazax filialında olub
Hər kəsə yaxşı məlumdur ki, sentyabrın
29-dan ümumi təhsil müəssisələrinin V-XI sinifləri üzrə, eləcə də məktəbdənkənar,
peşə, orta ixtisas və ali təhsil müəssisələrində ənənəvi şəkildə tədrisə
başlanılacaq. Bu gün Qazax Rayon İcra Hakimiyyətinin başçısı Rəcəb Babaşov Bakı Dövlət
Universitetinin Qazax filialında olub, 2021-2022-ci tədris ilinin başlanması ilə
əlaqədar görülmüş işlərlə maraqlanıb. BDU-nun Qazax filialının direktoru, dosent Arif Rüstəmov yeni tədris
ilinin başlanması ilə bağlı görülmüş işlər barədə ətraflı məlumat verib. Filialda
aparılan cari təmir işlərinin yekunlaşmaq üzrə olduğunu bildirib. Rayon rəhbəri Pandemiya ilə əlaqədar xüsusi karantin rejiminin tələblərinə, filialda təmizlik və dezinfeksiya işlərinin
aparılmasına, tibbi maskadan istifadəyə, hər gün işçi heyətin və tələbələrin temperaturunun
ölçülməsinə, sanitar-gigiyena qaydalarına ciddi şəkildə əməl edilməsinə diqqətin
artırılmasını qeyd edərək aidiyyatı üzrə lazımi tapşırıqlarını verib.
GOYEZEN.AZ
Facebook-da paylaş