BDU-nun Qazax filialında karantin rejiminin tələblərinə ciddi əməl olunur
Bakı Dövlət Universitetinin Qazax
filialında karantin rejiminin tələblərinə, sanitar-epidemioloji qaydalara
ciddi əməl olunur. Koronavirus
(COVID-19) pandemiyasının qarşısının alınması məqsədilə ilk gündən filialda
kompleks tədbirlər həyata keçirilir. İlk növbədə filialın tədris binası, idman
zalı və həyəti mütəmadi olaraq müvafiq vaxtlarda dezinfeksiya olunub. Bununla
yanaşı, professor-müəllim heyəti və tələbələr arasında maarifləndirici
tədbirlər həyata keçirilib. Filialda koronavirusa qarşı həyata keçirilən mübarizə
tədbirləri davam etdirilir. 2020-2021-ci tədris ilinin başlanması ilə əlaqədar
bu istiqamətdə aparılan işlər daha da genişləndirilib. Bu məqsədlə filialın
direktoru, dosent Arif Rüstəmov "Operativ nəzarət üzrə məsul şəxslərin təyin
edilməsi haqqında” Əmr imzalayıb. Əmrə əsasən müəyyən edilmiş sahələr üzrə məsul
şəxslər filialda xüsusi karantin rejiminin tələblərinə necə əməl olunmasına
nəzarət edirlər. Filialın həyətinin giriş qapısından inzibati binaya
qədər olan ərazisi məsafə saxlamaq üçün xüsusi olaraq işarələnib və bu məqsədlə
içərisinə "məsafə saxla” sözləri yazılmış dairələr çəkilib. Filialda lazım olan
müvafiq dizenfeksiyaedici məhlullar alınıb və əməkdaşlar tam təmin olunub.
Filiala daxil olanlar alınmış xüsusi temperatur ölçən aparatla temperaturu
ölçüldükdən və əlləri xüsusi məhlulla dizenfeksiya edildikdən sonra tədris
binasına buraxılır. Həyata keçirilən bu tədbirlərlə yanaşı filialın tədris
binasının dezinfeksiya olunmasına xüsusi nəzarət edilir. Bu günlərdə filialda
növbəti dəfə dezinfeksiya işləri aparılıb. Qazax Rayon Gigiyena və Epidemiologiya Mərkəzinin əməkdaşları
tərəfindən filialın inzibati binası və həyəti, eləcə də idman zalı və digər
yerləri koronavirus infeksiyasına qarşı suya Xloromin B,
xlorlu əhəng və Bromosepto-DEZ adlı
dezinfeksiyaedici maddələr qatılmış məhlulla əl aparatı ilə
dərmanlanıb. Həyata keçirilən profilaktik tədbirlər BDU-nun Qazax filialında karantin rejiminin
tələblərinə ciddi əməl olunduğunu əyani şəkildə göstərir. GOYEZEN.AZ
Facebook-da paylaş