Qazaxda Vətən müharibəsi şəhidlərinin adlarını əbədiləşdirəcək abidə kompleksinin inşası sürətlə davam etdirilir
Əvvəlki yazılarımızda da məlumat verdiyimiz kimi,
artıq xeyli vaxtdır ki, Qazaxda 44 günlük Vətən müharibəsində
Şəhidlik zirvəsinə yüksələn qəhrəman Vətən oğullarının adlarını yaşatmaq,
gələcək nəsillərə nümunə göstərmək, əziz xatirələrini əbədiləşdirmək məqsədilə abidə kompleksi inşa olunur. Şəhərin Nəriman Nərimanov küçəsində yaradılan bu abidə
müstəqil Azərbaycanın suverenliyi,
torpaqlarımızın ərazi bütövlüyü uğrunda canından keçən igid oğullarımızın
adlarının əbədiləşdirilməsi istiqamətində görülən təqdirəlayiq işlərdəndir. 27
sentyabr Anım Günündə istifadəyə verilməsi nəzərdə tutulan bu abidə kompleksi
canını Vətən, xalq, dövlət yolunda fəda edən oğullarımızın xatirəsinə olan
hörmət və ehtiramın daha bir bariz nümunəsidir. Şəhərin mərkəzində yerləşən
Şəhidlər xiyabanından, Qazax Tarix-Diyarşünaslıq Muzeyində Birinci və İkinci
Qarabağ müharibəsi zamanı Vətən uğrunda canlarından keçən 338 nəfər şəhidin
xatirəsinə yaradılmış guşədən sonra inşa olunan bu abidə kompleksi şəhidlərimizin
ruhuna olan böyük hörmət və ehtiramı özündə əks etdirəcək. Yaradılan abidə həm
də qəhrəman oğullarımızın gələcək nəsillərə tanıdılması istiqamətində atılan
nümunəvi addımlardan biri olacaq. Bu gün Qazax Rayon İcra Hakimiyyətinin
başçısı Rəcəb Babaşov abidə
kompleksinin inşası ilə tanış olub, görülmüş işlərlə maraqlanıb. Rayon rəhbərinə işlərin
yekunlaşmaq üzrə olduğu bildirilib. Görülmüş işlərlə yerində tanış olan icra
başçısı işlərin sürətləndirilməsini qeyd edib və aidiyyatı üzrə müvafiq
tapşırıqlarını verib.
GOYEZEN.AZ
Facebook-da paylaş