Qazaxda Vətən müharibəsi şəhidlərinin adlarını əbədiləşdirəcək abidə kompleksinin inşası sürətlə davam etdirilir
Xəbər verdiyimiz kimi, artıq bir həftədir ki, Qazaxda
44 günlük Vətən müharibəsində Şəhidlik zirvəsinə ucalan igid Vətən
oğullarının adlarını yaşatmaq, gələcək nəsillərə ötürmək, əziz
xatirələrini əbədiləşdirmək məqsədilə abidə
kompleksinin inşasına başlanılıb. Şəhərin Nəriman Nərimanov küçəsində yaradılan bu abidə
müstəqil Azərbaycanın suverenliyi,
torpaqlarımızın ərazi bütövlüyü uğrunda canından keçən qəhrəman oğullarımızın adlarının
əbədiləşdirilməsi istiqamətində görülən təqdirəlayiq işlərdən biridir. Şəhərin
mərkəzində yerləşən Şəhidlər xiyabanından, Qazax Tarix-Diyarşünaslıq Muzeyində
Birinci və İkinci Qarabağ müharibəsi zamanı Vətən uğrunda canlarından keçən 338
nəfər şəhidin xatirəsinə yaradılmış guşədən sonra inşa olunan bu abidə
şəhidlərimizin ruhuna olan böyük hörmət və ehtiramın daha bir bariz
nümunəsidir. Yaradılan abidə həm də qəhrəman oğullarımızın gələcək nəsillərə
tanıdılması istiqamətində atılan nümunəvi addımlardan biridir. Bu gün Qazax Rayon İcra Hakimiyyətinin
başçısı Rəcəb Babaşov abidə
kompleksinin inşası ilə tanış olub, görülmüş işlərlə maraqlanıb. Rayon rəhbərinə hörgü
işlərinin yekunlaşmaq üzrə olduğu bildirilib. Görülmüş işlərlə yerində tanış
olan icra başçısı işlərin sürətləndirilməsini bildirib və aidiyyatı üzrə
müvafiq tapşırıqlarını verib.
GOYEZEN.AZ
Facebook-da paylaş