Millət vəkilinin sakinlərlə keçirdiyi görüşdə qaldırılan məsələlərə yerində baxılıb
Ötən yazımızda qeyd etdiyimiz kimi, 107 saylı Qazax
Seçki Dairəsindən millət vəkili seçilmiş Azərbaycan
Respublikası Milli Məclisinin Beynəlxalq münasibətlər və parlamentlərarası
əlaqələr komitəsinin sədri Səməd Seyidov 19-20 avqust tarixlərində
Qazaxda seçiciləri ilə görüşdü. Şəhərin Əliağa
Şıxlinski, Mehdi Hüseyn və Bakı küçələrində
yaşayan sakinlərlə keçirilən görüşlərdə seçicilərin təklifləri, müraciətləri
ilə də tanış olub, onları narahat edən məsələləri dinlədi. Bu gün Qazax Rayon İcra Hakimiyyətinin başçısı Rəcəb Babaşov icra
aparatının məsul şəxsləri və millət vəkilinin köməkçisi Akif Əmirovla birlikdə
Bakı küçəsində keçirilən görüş zamanı vətəndaş Zeynalov Cahangir Gülməmməd
oğlu tərəfindən qaldırılan məsələyə yerində baxış keçirib. Ev 259-da yaşayan vətəndaşın yaşadığı evin üzərindən keçən yüksək
gərginlikli elektrik xəttinin yerinin dəyişdirilməsi ilə bağlı müraciətini
dinləyən rayon rəhbəri məsələnin araşdırılacağını bildirib. Qeyd edilən
məsələnin araşdırılması və həlli istiqamətində müvafiq tədbirlər görülməsi üçün Qazax Elektrik Şəbəkəsinin rəisi Vasif İmamverdiyevə aidiyyatı üzrə tapşırıqlarını verib. Daha sonra rayon rəhbəri millət vəkilinin Əliağa Şıxlinski küçəsi 4 və
5 saylı binalarda yaşayan sakinlərlə keçirdiyi görüşdə edilən müraciətlərin
həlli istiqamətində görülmüş işlərin nəticəsi ilə maraqlanıb. İcra başçısına
məlumat verilib ki, sakinlərin suvarma suyu ilə bağlı qaldırdığı məsələ artıq
müsbət həllini tapıb. Eləcə də digər məsələlər də aradan qaldırılıb. Sakinlərlə
səmimi söhbət edən rayon rəhbəri ölkə Prezidenti İlham Əliyev, Birinci vitse-prezident Mehriban Əliyeva tərəfindən
vətəndaşlara göstərilən qayğının hər bir dövlət məmuruna örnək və nümunə olduğunu,
onlara göstərilən qayğının bundan sonra da olduğu kimi davam etdiriləcəyini
qeyd edib. Sakinlər millət vəkilinin onların qayğıları ilə maraqlanmasını, sakinləri
dinləməsini bu gün də minnətdarlıqla qarşıladıqlarını bildiriblər. Qaldırdıqları məsələyə istər millət vəkili. istər də rayon
rəhbərliyi tərəfindən həssaslıqla yanaşılmasını, operativ şəkildə baxılmasını
dövlətin vətəndaşlara olan növbəti qayğısı kimi qiymətləndiriblər. Onlara
göstərilən qayğıya görə ölkə Prezidentinə, Birinci vitse-prezidentə, rayon
rəhbərinə millət vəkilinə təşəkkürlərini çatdırıblar. Bakı küçəsi
Əliağa Şıxlinski küçəsi GOYEZEN.AZ
Facebook-da paylaş