Millət vəkili Səməd Seyidov Qazaxda növbəti dəfə seçiciləri ilə görüşüb
Ötən yazımızda xəbər verdiyimiz kimi, 107 saylı Qazax
Seçki Dairəsindən millət vəkili seçilmiş Səməd Seyidov Qazaxda seçiciləri ilə
görüşür. Azərbaycan Respublikası Milli Məclisinin Beynəlxalq
münasibətlər və parlamentlərarası əlaqələr komitəsinin sədri Səməd Seyidovun növbəti görüşləri şəhərin Əliağa
Şıxlinski, Mehdi Hüseyn və Bakı küçələrində yaşayan sakinlərlə olub. Qazax Rayon İcra
Hakimiyyəti başçısının müavini-İctimai-siyasi və humanitar məsələlər şöbəsinin
müdiri Gulaya Həsənova və millət vəkilinin köməkçisi Akif Əmirovun da iştirak etdiyi görüşlərdə ölkə Prezidenti
İlham Əliyev, Birinci vitse-prezident Mehriban Əliyeva tərəfindən
vətəndaşlara göstərilən dövlət qayğısından söz açılıb. Hər bir dövlət məmuruna
örnək və nümunə olan görüşlər sakinlər tərəfindən də razılıqla
qarşılanıb. "Bu cür görüşlərin keçirilməsində əsas məqsəd
sizin qayğılarınızı dinləmək, əlimizdən gələn köməkliyi etməkdir. Belə
görüşlərin vətəndaş məmnunluğuna xidmət etdiyini, hər bir dövlət məmurunun da vəzifə
borcunun vətəndaşlara qayğı göstərmək olduğunu sizlərə çatdırmaqdır”, - deyən
millət vəkili seçiciləri ilə səmimi söhbət edib. Hər zaman olduğu kimi, bugünkü görüşlərin təməlində də
ölkə Prezidenti cənab İlham Əliyevin vətəndaşlara olan diqqət və qayğısının,
ölkə rəhbərinin verdiyi tapşırıq və tövsiyələrin dayandığını bildirib. Millət
vəkili ölkə rəhbərinin qayğısı sayəsində respublikamızda aparılan
quruculuq-abadlıq işlərinin Qazaxda da geniş miqyas almasını və uğurla icra
olunmasını, xüsusilə də əhalinin maddi rifah halının yaxşılaşdırılması, məşğulluğunun təmin olunması istiqamətində görülən işləri yüksək qiymətləndirib. Bütün bunları ölkə başçısının və rayon rəhbərliyinin vətəndaşlara
olan qayğısı kimi qeyd edib. Sakinlər rayonda aparılan abadlıq işlərindən
söz açaraq Qazaxın gündən-günə dəyişdiyinin şahidi olduqlarını qeyd ediblər.
Görülən bütün işlərə görə ölkə başçısı İlham Əliyevə minnətdarlıqlarını
bildiriblər. Dövlətimiz tərəfindən vətəndaşlara göstərilən qayğının rayon
rəhbərliyi tərəfindən bütün sahələrdə öz əksini tapdığını söyləyiblər. Sakinlər bugünkü görüşü dövlətin növbəti
qayğısı kimi qeyd edərək millət vəkilinin onların qayğıları ilə maraqlanmasını,
sakinləri dinləməsini minnətdarlıqla qarşılayıblar. Görüş zamanı millət vəkili Səməd Seyidov seçicilərin
təklifləri, müraciətləri ilə də tanış olub. Ə.Şıxlinski küçəsində sakinlərin yaşadıqları ərazidə
dayanacaq qoyulması, Bakı küçəsində yaşadıqları küçənin asfaltlanması, SİP
kabelləşmənin aparılması, küçənin işıqlanması, müxtəlif yerlərə zibil
qutularının qoyulması, marşrut ayrılması, suvarma suyu üçün subartezian
quyusunun qazılması və müxtəlif səpkili digər müraciətləri dinləyən millət
vəkili istər rayon rəhbərliyi, istərsə də özü tərəfindən qaldırılan hər bir
məsələyə həssaslıqla yanaşılacağını bildirib. Edilən müraciətlərin həlli
istiqamətində aidiyyatı üzrə müvafiq işlər görüləcəyini diqqətə çatdırıb. Sonda sakinlərə səmimi ürək sözlərini
çatdıran millət vəkili Səməd Seyidov belə görüşlərin gələcəkdə də mütəmadi
olaraq təşkil ediləcəyini seçicilərin nəzərinə çatdırıb. Əliağa Şıxlinski küçəsində keçirilən görüş
Mehdi Hüseyn küçəsində keçirilən görüş
Bakı küçəsində keçirilən görüş GOYEZEN.AZ
Facebook-da paylaş