Prezidentə yazırlar: “Cənab Prezident, bu şərəfli tarixi günləri bizə yaşatdığınıza görə Sizə və rəşadətli Azərbaycan Ordusuna sonsuz minnətdarlığımızı bildiririk”
Yeganə
Göyüşlüdən, Möhtərəm cənab Prezident. Sizi və xalqımızı möhtəşəm Qələbəmiz münasibətilə
təbrik edirik. Bu şərəfli tarixi günləri bizə yaşatdığınıza görə Müzəffər Ali
Baş Komandana - Sizə və rəşadətli Azərbaycan Ordusuna sonsuz minnətdarlığımızı
bildiririk. Yeni ilin yanvarın 14-15-də Sizin ölkəmizin mədəniyyət
paytaxtı elan etdiyiniz Şuşa şəhərinə Mehriban xanım və Leyla xanımla birlikdə
səfəriniz Zəfər günümüz qədər müqəddəs və şərəfli tarixi gün oldu. Bu günün
yaxşı mənada həyəcanını biz də vizual olaraq yaşadıq. Saatlı məscidindəki
görüntüləri biz də dua oxuyaraq izlədik. Bu gün sevə-sevə izlədiyimiz işğaldan
azad olunmuş torpaqlara səfərlərin çəkilişləri bizlər və gələcək nəsillər üçün
qiymətli tarixi salnamədir ki, hələ çox davamı olacaq. Qarabağın Xan qızının
haqqı idi ki, o torpaqlarda ziyarət ediləcək məkanı olsun. Cənab Prezident, Siz o haqqı təmin etdiniz və
Xurşidbanu Natəvanın əllərinə toxunaraq halallıq etdiniz. Yaşadığımız acılara, qazi və şəhidlərimizin olmasına
baxmayaraq biz xoşbəxt xalqın nümayəndələriyik. Xoşbəxtik ki, Sizinləyik. Qarabağ Azərbaycandır! Biz bu torpaqlarda əbədi
yaşayacağıq! Qoy, Azərbaycan əbədi olsun! Qoy, bayrağımız tarixi və əzəli
torpaqlarımızda daima dalğalansın! Var olsun
Müzəffər Ali Baş Komandanımız! Var olsun şanlı Azərbaycan Ordusu! Dərin
hörmətlə, Yeganə Göyüşlü, YAP Qazax Rayon Təşkilatı Qadınlar Şurasının sədri. Azərbaycan Respublikası, Qazax
rayonu.
Facebook-da paylaş