Döyüşlərdə yaralanmış çavuş evində ziyarət edilib
Respublika mətbuatı Qazax haqqında Qazax Rayon İcra Hakimiyyətinin başçısı Rəcəb Babaşov
və rayonun hüquq-mühafizə orqanlarının rəhbərləri Azərbaycan-Ermənistan dövlət
sərhədinin Tovuz rayonu istiqamətində gedən döyüşlərdə yaralanmış çavuş Səyyar
İsmayılovu evində ziyarət ediblər. "Hər bir hərbçimiz bizim üçün
doğmadır, əzizdir” deyən rayon icra hakimiyyətinin başçısı çavuş İsmaylova
sağ-salamat ailəsinin yanına qayıtmasına diqqət çəkib, ona səmimi ürək
sözlərini çatdırıb. Vətən uğrunda igidcəsinə döyüşən hərbçimizin səhhəti və
qayğıları ilə maraqlanıb. Rayon rəhbəri ona tez bir zamanda sağalaraq döyüş
yoldaşlarının yanına qayıtmağı və yenidən onlarla birlikdə olmağı arzulayıb. 2016-cı ilin Aprel döyüşlərində də
iştirak etdiyini bildirən hərbçi Vətəni üçün döyüşdə yenə də öndə getməyə,
dövlət başçısı, Ali Baş Komandan İlham Əliyevin "İrəli!” əmrini yerinə
yetirməyə hazır olduğunu bildirib. Qeyd edib ki, bir hərbçi kimi ordumuzun
arxasında dövlətimizin dayandığını hər an hiss edib. Dövlətin, dövlət
başçısının qayğısından hər zaman razı qaldığını bildirən S.İsmayılov
xəstəxanada yatdığı müddətdə bir daha bunun şahidi olduğunu dilə gətirib. O,
xəstəxanada olan zaman ailəsinə baş çəkən, dəstək olan rayon rəhbərliyinə,
hüquq-mühafizə
orqanlarının rəhbərlərinə minnətdarlığını bildirib. S.İsmayılov həkimlərə də
dərin minnətdarlıq edib. Hərbçinin qardaşı Sərdar İsmayılov
isə qeyd edib ki, Səyyar kimi o da Vətən
yolunda canından keçməyə hazırdır: "Bu gün hər birimiz bir nəfər kimi Vətən, el-oba uğrunda döyüşməyə hazır
olmalıyıq”. Hərbçimizin anası Fəranə İsmayılova
ailə üzvləri adından övladına göstərilən qayğıya görə Prezident İlham Əliyevə
və Birinci vitze-prezident Mehriban xanım Əliyevaya, eləcə də rayon
rəhbərliyinə minnətdarlığını bildirib. Sabir ƏLİYEV, "Azərbaycan” qəzetinin bölgə müxbiri 2 sentyabr 2020-ci il
Facebook-da paylaş