Millət vəkili Səməd Seyidov Qazaxda seçiciləri ilə görüşüb
107 saylı Qazax Seçki Dairəsindən millət vəkili seçilmiş
Səməd Seyidov seçiciləri ilə görüş keçirib. Görüş ölkədə elan olunmuş xüsusi karantin
rejiminin tələblərinə riayət olunmaq şərtilə Qazax rayonunun sərhəd
kəndlərindən olan Kəmərli, Məzəm, Quşçu Ayrım, Fərəhli, eləcə də Daş Salahlı,
Dəmirçilər, Alpout, Abbasbəyli, Canalı, Kosalar və Hüseynbəyli kəndlərində, həmçinin, Qazax Rayon Heydər Əliyev Mərkəzində baş
tutub. Mütəmadi olaraq
seçiciləri ilə görüşən və problemlərin həllində fəal iştirak edən millət vəkili
ilə görüşdə ümumilikdə 100-ə yaxın seçici iştirak edib. Görüş zamanı Səməd
Seyidov seçicilərin təklifləri, eləcə də şikayətləri ilə tanış olub, aktual
məsələlər üzrə müzakirələr aparılıb. Millət vəkili irəli sürülən
məsələlərin həlli üçün öz imkan və səlahiyyətləri daxilində aidiyyəti orqanlara
müraciət edəcəyini bildirib. Bəzi məsələlər yerində araşdırılaraq həlli
istiqamətində müsbət addımlar atılıb. Görüşdə Qazax Rayon İcra Hakimiyyəti başçısı
aparatında Sənədlərlə və vətəndaşların müraciətləri ilə iş şöbəsinin müdiri İlyaz
İsmayılov, Sosial-iqtisadi inkişafın təhlili
və proqnozlaşdırılması şöbəsinin müdir müavini Azad Hümbətov, YAP Qazax rayon Təşkilatının Aparat
rəhbəri Paşa Hadıyev və millət vəkilinin köməkçisi Akif Əmirov da iştirak ediblər. Millət vəkili S.Seyidov belə görüşlərin gələcəkdə də
mütəmadi olaraq təşkil ediləcəyini və bu barədə öncədən əlavə məlumatın
veriləcəyini seçicilərin nəzərinə çatdırıb. Kəmərli kəndi
Məzəm kəndi
Quşçu Ayrım kəndi
Fərəhli kəndi
Daş Salahlı kəndi
Dəmirçilər kəndi
Alpout-Abbasbəyli kənd sakinləri Canalı kəndi
Kosalar kəndi
Hüseynbəyli kəndi
Qazax Rayon Heydər Əliyev Mərkəzi GOYEZEN.AZ
Facebook-da paylaş