Qazaxda Xalq şairi Vaqif Səmədoğlunun 80 illik yubileyi münasibətilə büstü qoyulub
Bu il iyunun 5-də şair, dramaturq, publisist, Azərbaycanın
Xalq şairi Vaqif Səmədoğlunun anadan olmasının 80 ili tamam oldu.
Ölkədə cərəyan edən ictimai-siyasi hadisələrə həmişə obyektiv qiymət vermiş və
düzgün mövqe tutmuş, xalqını və Vətənini sevən böyük şəxsiyyətin 80 illik
yubileyi dövlət səviyyəsində qeyd olunur. Öz yaradıcılığı ilə Azərbaycan
ədəbiyyatının təkrarolunmaz səhifələrini yazan Xalq şairinin 80 illiyinin
təntənəli şəkildə qeyd olunması üçün dövlətimiz tərəfindən də məqsədyönlü
tədbirlər həyata keçirilir.
Dövlət başçısı İlham Əliyevin
və Heydər Əliyev Fondunun prezidenti, Birinci vitse-prezident Mehriban xanım
Əliyevanın görkəmli Xalq şairinin 80 illik yubileyinin yüksək səviyyədə qeyd
edilməsi ilə bağlı verdiyi tapşırıq və tövsiyələr bunun bariz nümunəsidir.
Heydər Əliyev Fondu və şəxsən
Mehriban xanım Əliyeva tərəfindən Xalq şairi Vaqif Səmədoğlunun 80 illik
yubileyi münasibətilə Qazaxda büstünün qoyulması da belə tədbirlərdəndir.
Bu gün Qazax Rayon İcra
Hakimiyyətinin başçısı Rəcəb Babaşov büstün qoyulduğu şəhərin mərkəzində
yerləşən "Fəxri qazaxlılar” parkında olub, yerində baxış keçirib. Rayon
rəhbərinə məlumat verilib ki, qərara alındığı kimi, görkəmli şairin büstü
qardaşı Xalq yazıçısı Yusif Səmədoğlunun büstünün yaxınlığında qoyulub.
Bildirilib ki, büstün qoyulması ilə bağlı görülən işlər tam başa çatıb və
açılış üçün tam hazırdır.
GOYEZEN.AZ
Facebook-da paylaş