Qazaxda 1 İyun - Uşaqların Beynəlxalq Müdafiəsi Günü qeyd olunub
Respublikamızın hər
yerində olduğu kimi Qazaxda da 1 İyun - Uşaqların Beynəlxalq Müdafiəsi Günü
böyük təntənə ilə qeyd olunub. Bu münasibətlə Qazax Rayon İcra Hakimiyyətinin və
Gənclərin İnkişaf və Karyera Mərkəzinin Qazax nümayəndəliyinin birgə təşkilatçılığı
musiqili-əyləncəli bayram tədbiri
keçirilib.
Tədbirin aparıcısı
bayram şənliyini açıq elan etdikdən sonra Azərbaycan Respublikasının Dövlət Himni
səsləndirilib.
Tədbirdə iştirak edən Qazax Rayon İcra Hakimiyyəti başçısı aparatının
aparıcı məsləhətçi-psixoloqu Kəmalə Cəfərova, İctimai-siyasi və humanitar məsələlər
şöbəsinin baş məsləhətçiləri Gülnar Quluyeva və Vəfa Cəbiyeva,hüquq şöbəsinin məsləhətçisi
Səba Paşayeva rayon rəhbərliyinin adından bütün uşaqları əlamətdar gün
münasibətilə təbrik edib, xoş arzularını çatdırıblar.
Gənclərin İnkişaf
və Karyera Mərkəzinin Qazax nümayəndəliyinin direktoru İsmayıl Süleymanov çıxış
edərək bayram təbriklərini çatdırıb.
Tədbirdə Azərbaycanda
uşaq problemlərinin hər zaman diqqət mərkəzində olmasından, ulu öndər Heydər
Əliyevin uşaqlara dövlət səviyyəsində olan qayğısından söz açılıb. Azərbaycan
uşaqlarına qayğının bu gün də diqqət mərkəzində olması bildirilib. Respublika Prezidenti
İlham Əliyev tərəfindən uşaqların sağlam və firavan böyüməsi, onların rifahının
yüksəldilməsi üçün məqsədyönlü işlər görüldüyü diqqətə çatdırılıb. Ölkə
başçısının müvafiq Sərəncamı ilə ölkəmizdə 2009-cu ilin "Uşaq ili” elan edilməsi
bu sahəyə olan diqqətin əyani göstəricisi kimi qiymətləndirilib. Azərbaycan
Respublikasının Birinci vitse-prezidenti, Heydər Əliyev Fondunun prezidenti
Mehriban xanım Əliyevanın öz fəaliyyətində daim uşaqların xoşbəxt böyüməsini
prioritet məsələ kimi saxladığı qeyd edilib.
Sonra söz uşaqlara
verilib. Körpə fidanların dilindən Anaya, Vətənə, şəhidlərimizə həsr olunmuş
bir-birindən gözəl şeirlər səslənib, mahnılar oxunub.
GOYEZEN.AZ
Facebook-da paylaş