Qazaxda işində fərqlənən bir qrup gənc tibb işçisi mükafatlandırılıb
İyunun 17-də Gənclərin İnkişaf və Karyera Mərkəzinin
Qazax nümayəndəliyinin və "Öyrədərək Öyrənirik" Gənclərin
İntellektual İnkişafına Dəstək İctimai Birliyinin birgə təşkilatçılığı ilə
Qazax Rayon Mərkəzi Xəstəxanasında 17 İyun - Tibb İşçilərinin Peşə Bayramı Günü
münasibətilə görüş keçirilib.
İlk olaraq Vətən müharibəsi şəhidi, ölümündən
sonra "Vətən uğrunda”, "Şuşanın azad olunmasına görə”, "Hərbi
xidmətlərə görə”, "Füzulinin azad olunmasına görə”, "Xocavəndin azad
olunmasına görə” medalları ilə təltif olunmuş, tibb xidməti leytenantı Əfəndiyev
Adil Qədir oğlunun şəhər
qəbiristanlığındakı məzarı ziyarət olunub. Qəhrəman şəhidimizin məzarı üstünə
tər qərənfillər düzülərək əziz xatirəsi ehtiramla anılıb.
Tədbiri giriş sözü ilə açan Gənclərin İnkişaf və
Karyera Mərkəzinin Qazax nümayəndəliyinin direktoru İsmayıl Süleymanov tibb
işçilərini peşə bayramı münasibətilə təbrik edib, onlara fədakar
fəaliyyətlərində uğurlar arzulayıb. "Qazax Rayon Mərkəzi Xəstəxanası" Publik Hüquqi
Şəxsin direktoru Sevda Məmmədova göstərilən diqqətə görə minnətdarlığını
bildirib və əlamətdar günün tarixi barədə qısa məlumat verib. Daha sonra işində fərqlənən gənc
tibb işçiləri mükafatlandırılıb. Tədbir bayram şənliyi ilə davam
etdirilib.
GOYEZEN.AZ
Facebook-da paylaş