Qazaxlı gənclər də Vətən müharibəsi şəhidi tibb xidməti leytenantı Adil Əfəndiyevin doğum günündə məzarını ziyarət etdilər
Şəhidlərimizi tanıyaq və
tanıdaq------------------------------------ Fəaliyyətə başladığı ilk gündən şəhidlərimizi,
qazilərimizi, onların ailələrini daim diqqətdə saxlayan Gənclərin
İnkişaf və Karyera Mərkəzinin Qazax nümayəndəliyinin əməkdaşları
və könüllüləri həmin qayğını bu gün də davam etdirir. Nümayəndəliyin
əməkdaşları Beynəlxalq Gənclər Günündə
şəhid gəncimizi də unutmayıblar. Gənc Könüllülər bu gün 26 yaşı tamam olan Vətən
müharibəsi şəhidi tibb xidməti leytenantı Əfəndiyev Adil Qədir oğlunun doğum
günündə məzarını ziyarət ediblər. Gənclər şəhidin məzarı önünə tər qərənfillər düzərəkigid Vətən oğluna öz ehtiramlarını bildiriblər.
Tibb xidməti leytenantı Əfəndiyev
Adil Qədir oğlu Şəhid Adil Əfəndiyev 12 avqust 1995-ci ildə Qazax şəhərində
anadan olmuşdur. 2001-ci ildə Qazax şəhər Mehdi Hüseyn adına humanitar və təbiət
fənləri üzrə məktəb-liseyin 1-ci sinfinə daxil olmuş, 2012-ci ildə həmin
məktəb-liseyin 11-ci sinfini bitirmişdir. 2012-ci ildə Azərbaycan Tibb
Universitetinə daxil olmuşdur. 2018-ci ildə Azərbaycan Tibb Universitetinin Hərbi
Tibb fakültəsinin "Hərbi həkim işi” ixtisasını bitirmişdir. Təyinatla Naxçıvan
Muxtar Respublikasının Culfa rayonunda həkim kimi hərbi xidmətə başlamışdır.
"N” saylı hərbi hissənin qərargah və təchizat bölüyünün tibb məntəqəsinin rəisi,
tibb xidməti leytenantı Adil Əfəndiyev 22.10.2020-ci il tarixdə Füzuli-Cəbrayıl-Xocavənd
rayonları istiqamətində gedən döyüşlərdə qəhrəmancasına şəhid olmuşdur. Qəhrəman şəhidimiz 25.10.2020-ci ildə
Qazax şəhər qəbiristanlığında izdihamla dəfn edilmişdir. Subay idi.
25 yaşında Şəhidlik zirvəsinə yüksələn tibb
xidməti leytenantı Adil Əfəndiyevin döyüş meydanında göstərdiyi igidlik ölkə
Prezidenti tərəfindən də yüksək qiymətləndirildi. O, ölümündən sonra cənab
Prezident İlham Əliyevin 15 dekabr 2020-ci il tarixli Sərəncamına əsasən "Vətən
uğrunda”, 29 dekabr 2020-ci il tarixli Sərəncamına əsasən "Şuşanın azad olunmasına görə”, 30 dekabr 2020-ci il tarixli Sərəncamına əsasən "Hərbi xidmətlərə görə”, 24 iyun 2021-ci il tarixli Sərəncamlarına əsasən "Füzulinin azad olunmasına görə”, "Xocavəndin azad olunmasına
görə” medalları ilə təltif olunmuşdur. GOYEZEN.AZ
Facebook-da paylaş