İyunun 9-da "Qazax Gənclər evi" sosial xidmət müəssisəsinin təşkilatçılığı ilə "Gənclərin peşə və ixtisas seçimlərində düzgün istiqamətləndirilməsi" mövzusunda Qazax rayon Zahid Mahmudov adına Yuxarı Salahlı kənd tam orta məktəbin gəncləri ilə görüş keçirilib.

Tədbiri Qazax Gənclər Evinin dərnək rəhbəri Mehriban Carçıyeva açaraq gəncləri salamlayıb, Qazax Gənclər Evinin fəaliyyəti haqqında gənclərə geniş məlumat verib.

Daha sonra Qazax şəhər Qaratel Hacımahmudova adına ümumi orta məktəbin Azərbaycan dili və ədəbiyyat müəllimi, Qazax Gənclər Evinin könüllüsü Həbibə Məmmədli mövzu ətrafında gənclərlə söhbət aparıb, düzgün peşə seçiminin gənclərimizin sabahının təminatçısı olduğunu vurğulayıb. Şagirdlərə arzuladıqları yox, bacardıqları işlə məşğul olmaq, seçdikləri peşəyə qəlbən bağlı olmaq, onun sirlərini öyrənmək, bütün incəliklərinə yiyələnmək haqqında tövsiyələr verib.

Sonda şagirdləri maraqlandıran suallar ətraflı şəkildə cavablandırılıb.

GOYEZEN.AZ