"Gənclərin peşə və ixtisas seçimlərində düzgün istiqamətləndirilməsi" mövzusunda görüş keçirilib
Mayın
16-da "Qazax Gənclər evi" sosial xidmət müəssisəsinin təşkilatçılığı
ilə Qazax rayon Alı Əliyev adına Hüseynbəyli kənd tam orta məktəbdə yuxarı
sinif şagirdlərinin iştirakı ilə "Gənclərin peşə və ixtisas seçimlərində
düzgün istiqamətləndirilməsi" mövzusunda görüş keçirilib. Tədbiri
Qazax Gənclər Evinin dərnək rəhbəri Mehriban Carçıyeva açaraq gəncləri salamlayıb,
Qazax Gənclər Evinin fəaliyyəti haqqında gənclərə geniş məlumat verib. M.Carçıyeva
mövzu ətrafında gənclərlə danışıb, düzgün peşə seçiminin gənclərimizin
sabahının təminatçısı olduğunu vurğulayıb. Şagirdlərə arzuladıqları yox,
bacardıqları işlə məşğul olmaq, seçdikləri peşəyə qəlbən bağlı olmaq, onun sirlərini
öyrənmək, bütün incəliklərinə yiyələnmək haqqında tövsiyələr verib. Daha
sonra Qazax rayon Alı Əliyev adına Hüseynbəyli kənd tam orta məktəbin coğrafiya
müəllimi Kərəm Lələyev, fizika müəllimi Gültəkin Hüseynova və Qazax Gənclər
Evinin fəal könüllüsü Qənirə Qarayeva mövzu haqqında ətraflı çıxış edərək gənclərə
öz tövsiyələrini çatdırıblar. Sonda
şagirdləri maraqlandıran suallar ətraflı şəkildə cavablandırılıb.
GOYEZEN.AZ
Facebook-da paylaş