"Fərqliliyə qucaq aç" mövzusunda gənclərlə maarifləndirici görüş keçirilib
Aprelin
27-də "Qazax Gənclər evi" sosial xidmət müəssisəsinin təşkilatçılığı
ilə "Dünya Autizm Maarifləndirmə ayı" lahiyəsi çərçivəsində "Fərqliliyə
qucaq aç" mövzusunda gənclərlə maarifləndirici görüş keçirilib. Tədbiri
Qazax Gənclər Evinin psixoloqu Fatma Rəhimova açaraq, tədbir iştirakçılarını
salamlayıb, 2 aprel - "Ümumdünya Autizm Günü" ilə əlaqədar bütün
dünyada aprel ayının autizm haqqında maarifləndirməyə həsr olunduğunu qeyd edib.
Tədbirin keçirilməsində əsas məqsədin autizmdən əziyyət çəkən insanlara dəstək
olmaq, onların cəmiyyətimizdən təcrid olunmasının qarşısını almaq, onlara qayğı
və diqqətlə yanaşılmasına şərait yaratmaqdan ibarət olduğunu vurğulayıb. Daha
sonra Fatma Rəhimova autizm spektr pozuntuları, autizmin əlamətləri, özünü göstərmə
şəkli və autistik uşaqlarla davranış qaydaları haqqında tədbir iştirakçılarına
məlumat verib. Mövzu
ilə bağlı slaydlar nümayiş etdirilib. Sonda gənclərin sualları ətraflı şəkildə
cavablandırılıb.
GOYEZEN.AZ
Facebook-da paylaş