Qazaxda “Erkən nigah və onun yaratdığı fəsadlar” mövzusunda vebinar keçirilib
Dekabrın 14-də "Qazax
Gənclər evi” sosial xidmət müəssisəsinin və Qazax Dövlət Sosial-İqtisadi
Kollecinin birgə təşkilatçılığı ilə "Erkən nigah və onun yaratdığı fəsadlar” mövzusunda vebinar keçirilib.
84 nəfərin iştirak etdiyi vebinarda erkən nikahın fəsadları haqqında gənclərə ətraflı
məlumat verilib. Vebinarı giriş sözü ilə Qazax Gənclər Evinin
direktoru Vüsal Hüseynov açaraq gəncləri bu mövzuda maariflənməyə dəvət edib.
V.Hüseynov erkən nikahın qarşısının alınması istiqamətində
görülən işlərdən söz açaraq bu məsələ ilə bağlı yeniyetmə və gənclərimizin,
onların valideynlərinin məlumatlandırılmasının vacibliyini vurğulayıb. Erkən
yaşda qurulan nikahların yeniyetmələrin sağlamlığına, gələcək həyatlarına
olduqca mənfi təsir göstərdiyini, bunun da gələcəkdə ailədaxili zorakılıq
hallarının ortaya çıxmasına səbəb olduğunu bildirib.
Qazax
Dövlət Sosial-İqtisadi Kollecinin Monitorinq və Qiymətləndirmə şöbəsinin müdiri
Elvira Əfəndiyeva çıxış edərək təhsilin gənclərin həyatındakı önəmli rolundan
danışıb. Erkən nikah hallarının acı nəticələrindən söz açaraq bu sahədə maarifləndirmə
işinin aparılmasının əhəmiyyətini vurğulayıb. Yeniyetmə və gənclərlə bu cür maarifləndirici
söhbətlərin aparılmasını yüksək qiymətləndirib, gəncləri belə həssas mövzulara
diqqətlə yanaşmağa, verilən dəyərli tövsiyələrə əməl etməyə çağırıb. Qazax
Gənclər Evinin psixoloqu Fatma Rəhimova çıxışında erkən nigah və onun törətdiyi
fəsadların psixoloji təsirləri barədə gəncləri məlumatlandırıb. Sonda
vebinar iştirakçılarından könüllü Şəhadət Abbasov və tələbə Aysun Məmmədova mövzu
ətrafında öz fikirlərini bölüşüblər. GOYEZEN.AZ
Facebook-da paylaş