“İntellektual klubların gənclər liqası”nın sonuncu seçim turu keçirilib
Ölkənin ən böyük
intellektual yarışı - "İntellektual klubların gənclər liqası”nın IV - sonuncu
seçim turu keçirilib.
28 May - Müstəqillik Gününə
həsr olunmuş IV seçim turunda Qazax üzrə 7 komandanın heyətində 42 gənc
mübarizə aparıb. 4 turdan sonra yekun nəticələrə əsasən, "F4T",
"Megatron" və "Vadi" komandaları zona finalına vəsiqə
qazanıb.
Məlumat
üçün bildirək ki, zona qalibləri isə iyun ayında Bakıda keçiriləcək final
mərhələsinə vəsiqə qazanacaqlar.
Layihə
Azərbaycan Respublikasının Gənclər Fondunun dəstəyi və "Gənclərin
Maarifləndirilməsinə Dəstək" İctimai Birliyinin təşkilatçılığı,
Vətəndaşlara Xidmət və Sosial İnnovasiyalar üzrə Dövlət Agentliyi, Azərbaycan
Respublikasının Kiçik və Orta Biznesin İnkişafı Agentliyi, Dayanıqlı və
Operativ Sosial Təminat Agentliyi, Gənclərin İnkişaf və Karyera Mərkəzi və
Badamlı şirkətinin tərəfdaşlığı ilə həyata keçirilir.
GOYEZEN.AZ
Facebook-da paylaş