"İntellektual klubların II Gənclər kuboku"nun Qazax seçim turu reallaşıb
Bu gün Qazax
Gənclər Mərkəzində Azərbaycan Respublikasının Gənclər Fondunun Gənclər Günü
münasibətilə keçirəcəyi "İntellektual klubların II Gənclər kuboku"nun
Qazax seçim turu reallaşıb. "Nə?
Harada? Nə zaman?" formatı üzrə reallaşan mərhələ yarışında 30 sual
səsləndirilib. 16 komandanın tərkibində 96 gənc biliyini nümayiş etdirib. Seçim
turunun nəticələrinə görə "Panteon" və "Monachus"
komandaları ilk yerləri tutublar. Növbəti "dördlük"də isə
"Sarkazm", "Dejavu", "Hermes" və
"Nəsimi" qərarlaşıb. Qeyd
edək ki, ölkənin 14 müxtəlif şəhər və rayonunda keçirilən seçim turlarında ən
yaxşı nəticə göstərən 70 komanda final mərhələsinə vəsiqə qazanacaq. Final
mərhələsi 1-2 fevral 2020-ci il tarixlərində Bakı Konqres Mərkəzində baş
tutacaq olan intellektual çoxnövçülük turniri özündə "Nə? Harada? Nə zaman?”,
"Kviz”, "Breyn Rinq” və "Erudit Kvartet” oyunlarını birləşdirəcək.
GOYEZEN.AZ
Facebook-da paylaş