“ZəfərimİZ” layihəsinin bugünkü qonağı Vətən müharibəsi iştirakçısı qazi kapitan Samir Çobanov olub
Gənclərin
İnkişaf və Karyera Mərkəzinin Qazax nümayəndəliyinin təşkilatçılığı ilə
"ZəfərimİZ” layihəsi çərçivəsində növbəti görüş
keçirilib. Oktyabrın 27-də təşkil olunmuş görüşün bugünkü qonağı Vətən müharibəsi
iştirakçısı, 3-cü dərəcəli "Rəşadət” ordeni, "Füzulinin
azad olunmasına görə” medalı ilə təltif olunmuş qazi kapitan, Qazax Rayon İcra
Hakimiyyəti başçısı aparatında Vətən müharibəsi iştirakçıları və
şəhid ailələri ilə işin təşkili şöbəsinin müdiri Samir Çobanov olub. Görüşdə Samir Çobanovun həyat və şərəfli döyüş yolu
barədə gənclərə ətraflı məlumat verilib. Bildirilib ki, Silahlı Qüvvələrin Ali
Baş Komandanı İlham Əliyevin rəhbərliyi altında şanlı Azərbaycan Ordusunun 44
günlük Vətən müharibəsində qazandığı tarixi Qələbə şəhidlərimizin və
qazilərimizin şücaəti sayəsində əldə olunub. Tədbirdə gənclərin sualları cavablandırılıb.
GOYEZEN.AZ
Facebook-da paylaş