Qazaxda “Gənclər narkomaniyaya yox deyir” mövzusunda vebinar keçirilib
Yanvarın 27-də Qazax Rayon
Gənclər və İdman İdarəsi tərəfindən "Gənclər narkomaniyaya yox deyir” mövzusunda
vebinar keçirilib. Qazax Rayon
Gənclər və İdman İdarəsinin rəisi Vüqar Nəbiyev vebinarı giriş sözü ilə açaraq
tədbir iştirakçılarını salamlayıb, narkotik
vasitələrin və psixotrop maddələrin yeniyetmə və gənclərə vurduğu zərərlərdən danışıb.
Narkomaniyanın insanın ağlını, iradəsini, duyğularını zədələyən mənəvi xəstəlik
olduğunu gənclərin diqqətinə çatdırıb.
Vebinarda iştirak edən Qazax Rayon İcra Hakimiyyəti
başçısı aparatında Hüquq şöbəsinin müdiri Ülviyyə Orucova, Qazax Rayon Polis
Şöbəsinin əməkdaşı Ramin Sadıqov, narkoloq həkim Nahidə Osmanova, fəal gənclər
Şəhadət Abbasov və Ülvi Zeynalov çıxış edərək narkomaniyaya qarşı mübarizənin
davamlı, ardıcıl həyata keçirilməsinin vacibliyini qeyd ediblər. Çıxışçılar
narkomaniyanın doğurduğu faciələr, narkotiklərin cəmiyyətə və insanların
sağlamlığına ziyanı və yaratdığı ciddi sosial problemlər, narkomanlığın
qarşısının alınması ilə bağlı həyata keçirilən tədbirlərə diqqətin artırılması
barədə danışıblar. Bu işin həm dövlətin, həm
vətəndaş cəmiyyətinin, həm də hər bir vətəndaşın işi olduğunu vurğulayıblar. Həmçinin
gənclərə sağlam həyat tərzinin mənəvi saflıq və fiziki sağlamlıq üçün yeganə
yol olduğu bildiriblər. Ümumilikdə
49 nəfərin iştirak etdiyi vebinarda sonda iştirakçıları maraqlandıran suallar
ətrafında diskussiyalar aparılıb, onların sualları cavablandırılıb. GOYEZEN.AZ
Facebook-da paylaş